Ardjich ~ آرجيش
Kamus-ul'Alam - Ardjich ~ آرجيش maddesi. Sayfa: 98 - Sira: 12
Ardjich - آرجيش
رومانیانك افلاق قطعه سنده بر نهردر، كه (قارپات) سلسلۀ جبالنك وسطنده بولنان وایكیبیك متره دن زیاده ارتفاعی اولان (بوتیانو) طاغندن نبعانله، جنوب شر-
قی یه طوغری آقه رق، وكندی اسمیله تسمیه اولنان بر سنجاغك اورته سندن و (پیتستی) شهرینك یانندن چكه رك، بكر شك ٦۰ كیلومتره جنوب شرقیسنده (طوتره قان) شهرینك قارشیسنده (اولتنیچه) شهری یاننده طونه یه منصب اولور. بكرشك ایچندن چكن (دیمبوویچه) چایی دخی (آرجیش) نهرینه دوكیلور. اسم قدیمی (آردیسقوس) در.
Kamusul Alam, Şemseddin Sami; Kamusul Alamde Ardjich maddesi. osmanlıcada Ardjich ne demek, Ardjich anlamı manası, Ardjich osmanlıca nasıl yazılır. Osmanlıca sözlükte Ardjich hakkında bilgi. Arapça Ardjich ne demek. Arapça osmanlıca sözlük. Farsçada Ardjich anlamı
Kamusul Alamde - آرجيش Ardjich maddesi. Şemseddin Sami, Kamusul Alam Ansiklopedisi