Arbogaste ~ آربوغاست
Kamus-ul'Alam - Arbogaste ~ آربوغاست maddesi. Sayfa: 87 - Sira: 9
Arbogaste - آربوغاست
( غال) یعنی اسكی فرانسه قونتلرندن اولوب، روما ایمپراطورلرندن ایكنجی ( والنتینیان) ك سردارلرندن ایدی. میلاد ك ٣٨٨ تاریخنده ایمبراطورلغی غصبه چالیشان (ماقسیم) ك اوغلی (ویقتور) ی مغلوب وقتل ایتمش اوزرینه، (پرتوآر) دنیلن محكمۀ عالیه ریاستنه تعیین اولنمش ایسه ده، امور حكومتی بسبتون النه آلمق ایستدیكندن، ( والنتینیان ) كندیسنی عزل یتمش؛ وآربو غاست بو عزلك انتقامنی آلمق ایچون ٣٩٢ تاریخنده ( والنتینیان) ی قتل ایتدیروب، ( اوجن ) اسمنده برینی ایمپراطور نصب ایتمش؛ وخرستیانلغی قبول ایتمه مش اولان بت پرستلری كندینه طرفدار ایتمك اوزره، هدم ایدلمش اولان معبدلرینی یكیدن تأسیس ایتمكه باشلامش ایسه ده، قسطنطینیه ایمپراطوری (تىٔودوس) طرفندن ( آ كیله) قربنده مغلوب اولمغله، اتلاف نفسه مجبور اولمشدر.
Kamusul Alam, Şemseddin Sami; Kamusul Alamde Arbogaste maddesi. osmanlıcada Arbogaste ne demek, Arbogaste anlamı manası, Arbogaste osmanlıca nasıl yazılır. Osmanlıca sözlükte Arbogaste hakkında bilgi. Arapça Arbogaste ne demek. Arapça osmanlıca sözlük. Farsçada Arbogaste anlamı
Kamusul Alamde - آربوغاست Arbogaste maddesi. Şemseddin Sami, Kamusul Alam Ansiklopedisi