Michel Adanson ~ ميشل آدانسون
Kamus-ul'Alam - Michel Adanson ~ ميشل آدانسون maddesi. Sayfa: 51 - Sira: 4
Michel Adanson - ميشل آدانسون
میشل _ . عن اصل اسقوچیالی بر عاىٔله یه منسوب اوله رق، فرانسه نك (پرووانس) مملكتنده میلادك ١٧٢٧ تاریخنده تولد، و ١٨۰٦ ده وفات ایتمش عمای طبیعیوندن بر ذاتدر. كوچك یاشدن تاریخ طبیعی یی زیاده سیله مراق ایده رك، ٢١ یاشنده ایكن، او وقته قدر هیج بر اوروپالینك كیرمه مش اولدیغی آفریقاده كی (سنغال) مملكتنه بر سیاحت ایدوب، اورانك تاریخ طبیعیسنه داىٔر مكمل بر كتاب و مختصر بر سیاحتنامه یازمش. ١٧٥٩ ده فرانسه نك فنون آقادمیاسی اعضالغنه قبول اولنمش؛ و ١٧٦٣ ده نباتات حقنده ایكی جلد اوزرینه و عنو انیله غایت معتبر بر كتاب نشر ایدوب، بونده نباتاتك تصنیف واصطلا حاتجه بعض تبدیلاتك لزومندن بحث ایتمشیدی. ١٧٧٥ ده فنون اقادمیاسنه غایت جسیم بر فنون قاموسی ترتیبنی اراىْه ایتمش، و بو اثرك تحریرینه باشلامش ایسه ده، بر كونه تشویق كورمدیكندن. اكمالنه موفق اوله مامشدر. فرانسه نك بیوك اختلالی‌زماننده تكمیل ماملكنی غاىٔب ایتمكله، بعده تشكل ایدن حكومتدن بر تفاعد معاشنه ناىٔل اولمشیدی. فنون اقادمیاسی مجموعه سنده پك چوق مقالات فنیه نشرایتمش. ونباتات حقنده ((قاموس الفنون)) ە بر علاوه یازمشدر. مشهور
(لینه) نك تصنیف حیوانات و نباتات حقنده كی اصول معروفنه معترض اولوب، انواعك كافۀ احوالنه رعایت ایتمك اساسنه مستند اوله جق دیكر بر اصول ایجادی فكرنده بولنیوردی، كه بوفكر او وقتدن بری تعمم ایتمشدر. مشاهیر طبیعیوندن (كوویه) بو ذاتك مدحى حقنده آقادمیاده بر نطق اوقومشیدی.
Kamusul Alam, Şemseddin Sami; Kamusul Alamde Michel Adanson maddesi. osmanlıcada Michel Adanson ne demek, Michel Adanson anlamı manası, Michel Adanson osmanlıca nasıl yazılır. Osmanlıca sözlükte Michel Adanson hakkında bilgi. Arapça Michel Adanson ne demek. Arapça osmanlıca sözlük. Farsçada Michel Adanson anlamı
Kamusul Alamde - ميشل آدانسون Michel Adanson maddesi. Şemseddin Sami, Kamusul Alam Ansiklopedisi