Adamaoua ~ آداماوه
Kamus-ul'Alam - Adamaoua ~ آداماوه maddesi. Sayfa: 49 - Sira: 12
Adamaoua - آداماوه
آفریقاده سودانك جنوب شرقیسنده كاىٔن بر واسع مملكتدر، كه اهالیسی طرفندن (فومبینه) تسمیه اولنیور. مورخین اسلامدن مقریزی بو مملكتی (هاودامه) تسمیه اولوب، اك قوتلی قبیله سی (مابینه) قبیله سی اولدیغنی ذكر ایدیور، كه بوده الیوم (فومبینه) نامیله معروف اولان قبیله اولسه كركدر. سیاحیندن دوقتور (بارت) بو مملكته كیرمكه موفق اولوب، ایتمش اولدیغی تحقیقاتله اورا خریطه سنك خیلی توضیح و تصححینه حدمت ایتمشدر. بو مملكت خیلی منبت ومحصولدار اولدیغندن، آفریقانك و سطلرینه قدر یایلمش اولان (فوله) اقوامی اورایه دخی كیدوب، مملكتی ضبط ایتمشلردر. حاكملری (سقاتو) حاكمنك تحت تابعیتنده بولندیغنه معترف ایسه ده، حقیقتده مستقلدر. مركزی اولان (بوله) شهری (قوقه) شهرینك عرضنده و شهر مذكورك ٤ درجه بعدنده واقعدر. سیاح (بارت) قوقه دن (پوله) یه ٢٤ كونده كیتمشدر. شهر (بیتو ىۀ) دنیلن برنهرك كنارنده در، كه بونهرك قور اقلق موسمنده بر میل عرضی وسكز طقوز قدم عمقی اولوب، حیزیرانك ابتداسندن ایلولك نهاتنه ٤
قدر دوام ایدن فیضان میاه زماننده ایسه اطرافی باصوب. اراضی حقنده پك نافع بر قیماقلی تورتو براقیر. [((بینو ىۀ)) كلمه سنه مراجعت بیوریله. ] آداماوه لیلرك لسانی (ماسه) زمره سندن اولوب، آفریقای جنوبی زنجیلرینك لسانلریله مناسبت ومشابهتی واردر. اهالیسی دین اسلامله متدیندرلر.
Kamusul Alam, Şemseddin Sami; Kamusul Alamde Adamaoua maddesi. osmanlıcada Adamaoua ne demek, Adamaoua anlamı manası, Adamaoua osmanlıca nasıl yazılır. Osmanlıca sözlükte Adamaoua hakkında bilgi. Arapça Adamaoua ne demek. Arapça osmanlıca sözlük. Farsçada Adamaoua anlamı
Kamusul Alamde - آداماوه Adamaoua maddesi. Şemseddin Sami, Kamusul Alam Ansiklopedisi