Arcot ~ آركوت
Kamus-ul'Alam - Arcot ~ آركوت maddesi. Sayfa: 135 - Sira: 6
Arcot - آركوت
یاخود آركب هندستانك جهت جنوبیه سنده (دكن) مملكتنك بنكاله كورفزی ساحلنجه ممتد اولان قسم شرقیسندن عبارت بر قطعه در، كه انكلتره حكومتی طرفندن ((شمالی)) و ((جنوبی)) اسملریله ایكی ایالته تقسیم اولنه رق، مدارس اداره سنه الحاق اولنمشدر. شمالی آركوت نفس مدارسه ملحق ساحلك بز طار قطعه سیله دكیزدن آیریلوب، جنوبی آركوت حدودندن شمالاً (نلور) و (كوداپه) ایالتلرینه قدر ممتد اولور، غرباً (میسور) ایالتیله محدوددر. اك بیوك نهری (پلار) نهری، ومركزی (چیقور) شهریدر. جنوبی آركوت ایسه شمالی آركوتك حدود جنوبیه سندن، ساحلك بوینجه (تریمینو پیلو) و (تانجور) قضالرینك حدودینه قدر ممتد اولوب، طولی ١۰۰ كیلومتره قدردر، وغرباً (سالم) قضاسیله محدوددر. مركزی (كودالور) شهریدر. بونك باشلیجه انهاری (پنایر) و (ولار) نهرلریدر، كه بونلرك ایكنجیسی قسماً حدود جنوبیه سنی تشكیل ایدیور. فرانسه نك النده بولنان (پوندیشری) شهری دخی جنوبی آركوتك ساحلنده در. بتون آركوتك سطحی ٣٤٥۰۰ مربع كیلومتره اولوب، شمال وغرب جهتی طاغلق ومرتفع وساحله قریب محللری دوزدر. منطقۀ حاره ده بولنمغله، هواسی غایت صیجاق اولوب، بعض دفعه حرارت سانتیغراد اللی درجه دن یوقاری چیقار؛ اراضیسی دخی اكثریت اوزره قوملق اولمغله، اكثر نهرلرك صولری ده قورور. باشلیجه محصولاتی پرنج
وپاموقدن عبارتدر. وقتیله‌اعمال اولنمقده بولنمش اولان اینجه قماشلر مملكت ایچون بیوك بر ثروت ایدیسه ده، بو كونكی كونده انكلیزلرك او جوز اوجوز صاتدقلری باصمه لر بو صنعت محلیه یی ابطال ایتمشلردر. شمالی آركوتك اهالیسی ٦٦٧ ٢۰۰٧ ، وجنوبینك نفوسی دخی ٥٢٥ ١٧٦٢ كشیدن عبارتدر.
Kamusul Alam, Şemseddin Sami; Kamusul Alamde Arcot maddesi. osmanlıcada Arcot ne demek, Arcot anlamı manası, Arcot osmanlıca nasıl yazılır. Osmanlıca sözlükte Arcot hakkında bilgi. Arapça Arcot ne demek. Arapça osmanlıca sözlük. Farsçada Arcot anlamı
Kamusul Alamde - آركوت Arcot maddesi. Şemseddin Sami, Kamusul Alam Ansiklopedisi