Aristippe ~ آرستيپ
Kamus-ul'Alam - Aristippe ~ آرستيپ maddesi. Sayfa: 117 - Sira: 3
Aristippe - آرستيپ
یونان قدیم حكماسندن اولوب، قبل المیلاد ٤٣ تاریخلرنده (كیرن) یعنی بنغازیده طوغمش؛ وزنكین برعاىٔله یه منسوب اولمغله، لاجل التحصیل آتنه یه كلوب، سقراطك شاكردانی صره سنه كیرمشدر. مؤخراً كندیسی بر درسخانه آچمش، واستادینك مسلك ومذهبنه بسبتون مخالف اوله رق كندینه مخصوص بر فلسفه تدریسنه باشلامشیدی. فلسفه سنك خلاصه سی شو ایدی كد: انسانك دنیایه كلمسی آنجق عمرك ودنیانك لذایذندن بهره مند اولمق ایچون اولدیغندن، لذایذك هر نوع انسانه حلال ومباح اولمق، ویالكز لذته خلل كتیره بیل افراطدن اجتناب ایتمك لازم كلیر. كندیسی غایت ذكی ونكته كو اولمغله، سیچلیاده كی (سیراقوسه) حكمداری (دیونیسیوس) طرفندن جلب اولنه رق، عمرینك برقسمنی اونك سراینده، مذهی اقتضاسنجه، ذوق وصفا ایله چكیرمشدر. (آرته) اسمنده بر قیزی وینه (آرستیپ) اسمنده بر طرونی وار ایدی، كه بونلر دخی كندندن صكره فلسفه سنی تدریسله مشغول اولمشلردر.
Kamusul Alam, Şemseddin Sami; Kamusul Alamde Aristippe maddesi. osmanlıcada Aristippe ne demek, Aristippe anlamı manası, Aristippe osmanlıca nasıl yazılır. Osmanlıca sözlükte Aristippe hakkında bilgi. Arapça Aristippe ne demek. Arapça osmanlıca sözlük. Farsçada Aristippe anlamı
Kamusul Alamde - آرستيپ Aristippe maddesi. Şemseddin Sami, Kamusul Alam Ansiklopedisi