Ahmed Şehzade - احمد شهزاده

(شهزاده _ ) سلطان بایزید ثانینك حیاتلرنده وفات ایدن شهنشاهدن صكره، اكبر اولادی اولوب، پادشاه مشارالیهك صاحب ترجمه یه محبتی زیاده اولمغله، كندیسنی ولی عهد ایتمش، و حیاتلرنده تختنی كندیسنه ترك ایتمك ایستمش ایسه ده، شهزاده احمد كوشك و ذوق و استراحته ماىٔل اولوب، حلمی غالب اولدیغی حالده، كندیسندن كوچك بولنان سلطان سلیم حضرتلرینك جلادت و شجاعتی و افكار جهانكیر انه سی یكیچریلرك معلومی اولدیغندن، بونلر شهزاده احمدك جلوسنه مانع اولمغله، سلطان سلیمك تخت عثمانی یه قعودی‌ مقدر بولنمشدر. صاحب ترجمه پدرینك زماننده اوتوز سنه آماسیه متصرففلغنده بولنوب، سلطان سلیمك جلوسنده اظهار آثار ناخشنودی ایله، آماسیه یی ضبط ایتدكدن صكره، اوغلی علاء الدینی بروسه نك ضبطنه مأمور ایتمشیدی. سلطان سلیمك بالذات آناطولی یه اودو سوق ایتمسی اوزرینه، شهزاده احمد آماسیه یی تركله، طاغلره چكلمش اولدیغندن، سلطان سلیم آماسیه متصرفلغنه داود پاشا زاده مصطفی بكی تعیینله اكتفا ایده رك، عودت ایتمش ایدیسه ده، قیشك حلولندن صكره شهزاده احمد مغلوباً اخذ وكرفت اولنمش. و ٩٣٩ تاریخنده ارتحال دار بقا ایتمشدر.