Etrusques ~ اتروسق
Kamus-ul'Alam - Etrusques ~ اتروسق maddesi. Sayfa: 777 - Sira: 2
Etrusques - اتروسق
مادۀ آنفه ده بیان اولنان (اتروریا) خطه سنك اهالىٔ قدیمه سی اولوب، عن اصل (پلاسج) قومنه منسوب ایدیلر، و آرناؤدلق ویونان جهتلرندن ایتالیایه كچه رك، قطعۀ مذكوره یی وطن اتخاذ ایتمشلردی. بونلر زراعت و تجارتله، مشغول اولوب، معمارلقده وتوپراقدن صاقسی و چناق وساىٔره اعمالیله رسمده وساىٔر صنایعده خیلی ترفی ایتمشلردی. فن معماریده حالا (اتروسق اصولی) اسمیله معروف كندیلرینه مخصوص بر اصوللری وار ایدی. رومالیلر دین و آیینلرینی بونلردن اخذ ایتمكله، معبودلرینك اكثر اسامیسی اتروسق لساننده در. راهبلری فال آچمق و غاىٔبدن خبر ویرمك كبی بعض ادعالرده بولنورلردی. مزارلره فوق العاده اعتنا ایدوب، مدفونلرك یاننه بر طاقم ذی قیمت شیلر و مواد صناعیه وضع ایتدكلرندن، زمانمزده اجرا اولنان حفریاتدن صنایعلرینك درجۀ ترقیسی آكلاشلمش ایسه ده، كندی لسانلرنده بولنان بعض یازیلرك حلنه الآݣ كیمس موفق اوله مامشدر. بونلرك آرناؤدلرك دخی اجدادی اولان پلاسجلردن متولداولدقلری تاریخله مثبت اولدیغی حالده، (اتروسق) و (طوسق) تسمیه اولنملری، وطنلرینك الی یومنا هذا (طوسقانه) نامیله یاد اولنمسی، و بووجهله اسماً دخی آرناؤدلقده كی طوسقه لرله مشابهتلری شایان دقتدر.
Kamusul Alam, Şemseddin Sami; Kamusul Alamde Etrusques maddesi. osmanlıcada Etrusques ne demek, Etrusques anlamı manası, Etrusques osmanlıca nasıl yazılır. Osmanlıca sözlükte Etrusques hakkında bilgi. Arapça Etrusques ne demek. Arapça osmanlıca sözlük. Farsçada Etrusques anlamı
Kamusul Alamde - اتروسق Etrusques maddesi. Şemseddin Sami, Kamusul Alam Ansiklopedisi