Ebha ~ ابها
Kamus-ul'Alam - Ebha ~ ابها maddesi. Sayfa: 769 - Sira: 8
Ebha - ابها
یمن ولایتنده عسیر سنجاغنك مركزی اولان بر قصبه در، كه بحر احمر سواحلیله متوازیاً شمالدن جنوبه ممتد اولان جبل (سرا) نك شرقی اتكنكده و مرتفع بر محلده و همنامی اولان بر وادینك اوزرنده واقع اولوب، ٦۰۰۰ قدر اهالیسی واردر. ارتفاعی حسبیله هواسی كوزلدر. _ ابها قضاسی عسیر سنجاغنك جنوب شرقیسنده واقع اولوب، غرباً (صبیا) و (رجال المع) قضالریله، شمالاً (بنی شهر) قضاسیله، شرقاً و جنوباً دخی اراضیٔ غیر مضبوطه ایله محدود و محاطدر. اراضیسی جبالدن عبارت اولدیغندن، هواسی معتدلدر. طاغلرندن كرك شرقه و كرك غربه طوغری بر چوق نهرلر آقیورسه ده، بونلرك اكثریسی یالكز یاغمور موسملرنده آقار، و چوغی یاری یولده قورور. قضانك محصولاتی بغدادی و آرپه كبی حبوباتله قهوه، توتون، خرما، لیمون كبی شیلردن عبارتدر.
Kamusul Alam, Şemseddin Sami; Kamusul Alamde Ebha maddesi. osmanlıcada Ebha ne demek, Ebha anlamı manası, Ebha osmanlıca nasıl yazılır. Osmanlıca sözlükte Ebha hakkında bilgi. Arapça Ebha ne demek. Arapça osmanlıca sözlük. Farsçada Ebha anlamı
Kamusul Alamde - ابها Ebha maddesi. Şemseddin Sami, Kamusul Alam Ansiklopedisi