Ebus Saadat İbniş Şeceri - ابو السعادات ابن الشجری

(شریف هبة الله بن علی) نسلی حضرت امام حسنه منتهی اولور شرفادن و بغدادك مشاهیر ادباسندن اولوب، نحو ولغت

و اخبار و اشعار عربده ید طولی صاحبی ایدی. فصیح اللسان اولوب، بر آره لق كوفه ده پدرینه و كالة نقیب الطالبین اولمشیدی. ابن جكینا ایله بینلرنده منافستلری وار ایدی. ٤٥۰ تاریخنده طوغوب، ٥٤٢ ده بغدادده وفات ایتمشدر. بر چوق تصنیفات مفیده سی اولوب، اك بیوكی ((الامالی) عنوانیله كافۀ فنون ادبی جامع اولان اثریدر. ابو تمامك اثرینه تقلیداً ((حماسه)) عنوانیله بر كتاب دخی جمع ایتمشدر. نحوه داىٔر ((مااتفق لفظه و اختلف معناه)) عنوانیله بر كتابی، ابن جنینك ((لمع)) نه و ((التصریف الملو كی)) عنوانلی كتابه بررشرحی وساىٔر بعض آثاری دخی واردر. ابن خشابه قارشی ((لانتصار)) عنوانلی بر ردیه ده یازمشدر. اشعاری سلیس اولوب، شو قطعه او جمله دندر : هل الوجد خاف والدموع شهود وهل مكذب قولً لوشاة حجود وحتی متی تفنی سؤونك بالبكا وقد حد حداً للبكاء لبید