Ebu Hanife ~ ابو حنيفه
Kamus-ul'Alam - Ebu Hanife ~ ابو حنيفه maddesi. Sayfa: 711 - Sira: 6
Ebu Hanife - ابو حنيفه
(امام اعظم نعمان بن ثابت) اهل سنت اىٔمۀ اربعه سنك برنجیسی اولوب، شریعت غرای محمدیه نك بر ركن اعظمیدر. نسب عالیلری فرسك بر بیوك خانداننه منتهی اولوب، بیوك پدری دین اسلامی قبول ایتمشیدی. حضرت امام ٨۰ تاریخنده كوفه ده طوغوب، صحابه دن انس بن مالك ، عبدالله بن ابی اوفی، سهل بن سعد ساعدی و ابو الفضل عامر بن و اثله یه یتیشمش ایسه ده، هیچ بریله كوریشه مه مشدر. فقهی حماد بن ابی سلیماندن اخذ و تعلم ایدوب، تابعین كرامدن بر چوق ذواتله و امام جعفر صادقله دخی ملاقات ایده رك، استماع احادیث شریفه ایتمشیدی. ابو حنیفه مذهب امامی اولمیه ایدی، بیوك بر حكیم اوله جق صورتده فوق العاده بر عقل و ذكاوته مالك اولدیغندن، آزوقت ظرفنده فقهده مثل و نظیری بولنمیه جق بر درجه یه كلمكله، شهرتی عالمكیر اولوب، ملوك امویه نك اخیری اولان مروان بن محمدك زماننده عراقین و الیسی بولنان یزید بن عمر فزاری كندیسنه كوفه قضاسنی تكلیف ایتمش ایسه ده، حضرت امامك زهد و تقوی و وورعی دخی علم و ذكاوتی درجه سنده بولنمغله، حسب البشریه حقوق عبادی اداره ده قصور ایتمكدن قورقدیغندن، منصب قضایی رد، و مومی الیه یزیدك امریله باشنه یوز اون قامچی اولدیغی حالده، ینه امتناعده اصرار ایتمشیدی. دور خلافت عباسیلره انتقال ایدوب، بغداد تأسیس اولندقدن صكره، ابو جعفر منصور طرفندن بغداده جلب اولنه رق، ینه كندیسنه مسند قضا تكلیف اولنمش ایسه ده، مصرانه رد ایتمشدی. برنجی اوله رق فقهی ابوابه تقسیمله تدوین و فراىٔض و شروط كتابلرینی
وضع ایدن ابو حنیفیه در. كرك فقهده كی مغلومات واسعه سی و علی الخصوص قیاسده كو قوت خارقة العاده سی و كرك زهد و تقوی و حلم و صلاح حالی حقنده پك چوق نوادر منقول اولوب، مناقبی جلدلرله كتابلر طولدیرمشدر. طلبه سی پك چوق اولوب، ایچلرنده بعض بیوك مجتهدلر دخی یتیشمشدر.١٥۰ تاریخنده ٧۰ یاشنده وفات ایتمشدر. روایته كوره، ابو جعفر منصور طرفندن تكلیف اولنان قاضى القضاة منصبنی قبول ایتمدیكچون، زندانه آتیله رق، قامچی ایله ضرب، و بهر كون اون قامچی ضم اولندیغندن، قامچیلرك عددی یوزه بالغ اولنجه، منأثراً وفات ایتمشدر. سلطان ملك شاه سلچوقینك وزراسندن شرف الملك ابو سعد محمد بن منصور خوارزمی حضرت امامك مرقدی اوزرینه مكمل بر تربه انشا ایتمشیدی، كه مؤخراً سلاطین عظام عثمانیه طرفندن دفعاتله تعمیر و تزیین اولنمشدر. ابو حنیفه نك مذهبی دولت علیۀ عثمانیه زماننده زیاده سیله توسع و تعمم ایدوب، دولت مشارالیهانك مذهب رسمیسی حكمنه كچمشدر. بو كون كرۀ ارضك اوزرنده بولنان اهل اسلامك نصفندن زیاده سیله و اهل سنتك قسم اعظمی بو مذهبه تابعدرلر.
Kamusul Alam, Şemseddin Sami; Kamusul Alamde Ebu Hanife maddesi. osmanlıcada Ebu Hanife ne demek, Ebu Hanife anlamı manası, Ebu Hanife osmanlıca nasıl yazılır. Osmanlıca sözlükte Ebu Hanife hakkında bilgi. Arapça Ebu Hanife ne demek. Arapça osmanlıca sözlük. Farsçada Ebu Hanife anlamı
Kamusul Alamde - ابو حنيفه Ebu Hanife maddesi. Şemseddin Sami, Kamusul Alam Ansiklopedisi
Ebu Hanife ~ ابو حنيفه güncel sözlüklerde anlamı:
EBU HANiFE ::: (Bak: İmam-ı A'zam)
Ebû-Hanife ::: (a. h. i.) : Hanefî mezhebinin kurucusu olup asıl adı "Nu'mân Ibnü Sabit" dir. [İslâm Ansiklopedisinde : "… Fars, Türk yahut başka bir kavme intisabı açık. değilse de, Arap olmadığı, fakat Araplar arasında doğup büyüdüğü muhakkaktır. " denilmektedir.
ebu hanife ::: (bak: imam-ı a'zam)
Ebû-Hanife ::: (a. h. i.) Hanefî mezhebinin kurucusu olup asıl adı
EBU HANİFE :::