Ebu Hamza Harici ~ ابو حمزۀ خارجی
Kamus-ul'Alam - Ebu Hamza Harici ~ ابو حمزۀ خارجی maddesi. Sayfa: 710 - Sira: 12
Ebu Hamza Harici - ابو حمزۀ خارجی
(مخار بن عوف ازدی) خوارج اباضیه دن اولوب، بصره لیدر. هر سنه مكۀ مكرمه یه كیدوب، خلقی بنی امیه نك اخیری اولان مروان حمارك علینده دعوت ایتمكده ایكن، نهایت ١٢٨ سنه سی نهایتنده (طالب الحق) دینمكله معروف اولان عبدالله بن یحیی ایله برلشه رك، برلكده حضرموته عزیمتله، اوراده طالب حقه بیعت ایتدكدن صكره، ١٢٩ تاریخنده حج زماننده یدی یوز كشی ایله مكۀ مكرمه یه كیدوب، مروان طرفندن و الی بولنان (عبدالواحد بن سلیمان بن عبدالملك) ی مدینه یه چكلمكله مجبور ایتمش؛ و ایرتسی سنه مدینۀ منوره یی دخی ضبط ایله، عبدالواحدی شامه قاچمغه مجبور ایتمشیدی. ینه او سنه عسكر ترتیب ایده رك، شامك اوزرینه یوریمكنده ایكن،
مروان طرفندن محاربه یه مأمور اولان عبدالملك بن محمد ابن عطیه كندیسنه غلبه چالوب، قتل ایتدكدن صكره، حضرموته كیدوب، طالب حقی دخی اولدیرمشدر. صاحب ترجمه فصیح اللسان بر آدم اولوب، مكه و مدینه یی فتحنده بعض فصیح خطبه لر ایراد، و اجرای عدل و داد ایتمشدی.
Kamusul Alam, Şemseddin Sami; Kamusul Alamde Ebu Hamza Harici maddesi. osmanlıcada Ebu Hamza Harici ne demek, Ebu Hamza Harici anlamı manası, Ebu Hamza Harici osmanlıca nasıl yazılır. Osmanlıca sözlükte Ebu Hamza Harici hakkında bilgi. Arapça Ebu Hamza Harici ne demek. Arapça osmanlıca sözlük. Farsçada Ebu Hamza Harici anlamı
Kamusul Alamde - ابو حمزۀ خارجی Ebu Hamza Harici maddesi. Şemseddin Sami, Kamusul Alam Ansiklopedisi