Ebu Bekir Bin Zühr ~ ابو بكر بن زهر
Kamus-ul'Alam - Ebu Bekir Bin Zühr ~ ابو بكر بن زهر maddesi. Sayfa: 689 - Sira: 8
Ebu Bekir Bin Zühr - ابو بكر بن زهر
(محمد بن ابی مروان) اندلسك مشاهیر اطبا و شعراسندن اولوب، اباً عن جد طبابتده مشهور و ملثمین و موحدین دولتلرنده وزارت رتبه سنه و مساند عالیه یه ناىٔل اولان ابن زهر خانداننه منسوبدر. طبیب مشهور ابو العلا بن زهرك حفیدی اولمق مناسبتیله (حفید) لقبیله دخی ملقبدر. اشبیلیه ده تولد و نشأت ایتمش؛ و كرك طبابتده مهارتیله و كرك شعر وادبیاتده كی اقتدار فوق العاده سیله شهرتی عالمكیر اولمشیدی. علی الخصوص موشحاتی پك كوزل اولوب، او زمانلرده مغرب مغنیلری عندنده زیاده رغبته مظهر اولمشلردی. ٥٩٦ تاریخنده، آلتمش یاشلرنده اولدیغی حالده، مراكشده مسموماً وفات ایتمشدر. همشیره سیله اونك قیزی دخی طبابتده قباله ده مهارت تامه صاحبه لری اولوب، بونلر دخی برابر تسمیم اولنمشلردر. مراكشده ایكن اوغلنه اولان اشتیاقی حقنده سویلمش اولدیغی شو بر قاچ بیت جملۀ اشعار راىٔقه سندندر :
ولی ولد مثل فرح القطا صغیر تخلف قلبی لد یه وافردت عنه فیا و حشتا لذاك الشخیص و ذاك الوجیه تشوقنی و تشوقته فیبكی علی و ابكی علیه
Kamusul Alam, Şemseddin Sami; Kamusul Alamde Ebu Bekir Bin Zühr maddesi. osmanlıcada Ebu Bekir Bin Zühr ne demek, Ebu Bekir Bin Zühr anlamı manası, Ebu Bekir Bin Zühr osmanlıca nasıl yazılır. Osmanlıca sözlükte Ebu Bekir Bin Zühr hakkında bilgi. Arapça Ebu Bekir Bin Zühr ne demek. Arapça osmanlıca sözlük. Farsçada Ebu Bekir Bin Zühr anlamı
Kamusul Alamde - ابو بكر بن زهر Ebu Bekir Bin Zühr maddesi. Şemseddin Sami, Kamusul Alam Ansiklopedisi