İbni Kalakıs ~ ابن قلاقس
Kamus-ul'Alam - İbni Kalakıs ~ ابن قلاقس maddesi. Sayfa: 658 - Sira: 5
İbni Kalakıs - ابن قلاقس
(ابو الفتوح نصرالله بن عبدالله _ اللخمی الازهری) مصر مشاهیر شعراسندن اولوب، (قاضی اعز) لقبیله دخی معروفدر. اشعاری غایت كوزل اولوب، مدح اكابر حقنده قصیده لری و غزلیات وساىٔر اشعاری واردر. ٥٣٢ تاریخنده اسكندریه جوارنده طوغوب، ٥٦٣ ده صقلیه یه، و ٥٦٥ ده یمنه سیاحت ایتمشیدی. صقلیه دن مصره عودت ایتمك اوزره، قیشین كمی یه بیندیكی حالده، فرطونه یه طوتیلوب، روزكار كمیسنی ینه سیچلیا آطه سی ساحلنه آتمش اولدیغی كبی، یمندن عودتنده دخی بیندیكی كمی بحر احمرده قیرلمغله، یوزه رك قورتلوب، یمنه چبلاق عودت ایتمشیدی. بو ایكی وقعه حقنده اولان قصیده لری مشهوردر. ٥٦٧ تاریخنده مصرك عیذاب قصبه سنده وفات ایتمشدر. سودیكی بر سیاه جاریه حقنده اولان شو قطعه سی جملۀ اشعارندندر : رب سوداء وهی بیضاء معنی نافی المسك عندها الكافور مثل حب العیون یحسبه لناسی سواداً و انماهو نور
Kamusul Alam, Şemseddin Sami; Kamusul Alamde İbni Kalakıs maddesi. osmanlıcada İbni Kalakıs ne demek, İbni Kalakıs anlamı manası, İbni Kalakıs osmanlıca nasıl yazılır. Osmanlıca sözlükte İbni Kalakıs hakkında bilgi. Arapça İbni Kalakıs ne demek. Arapça osmanlıca sözlük. Farsçada İbni Kalakıs anlamı
Kamusul Alamde - ابن قلاقس İbni Kalakıs maddesi. Şemseddin Sami, Kamusul Alam Ansiklopedisi