İbni Kudame - ابن قدامه

(موفق الدین ابو محمد عبدالله بن احمد) مشاهیر علمادن اولوب، ٥٤١ تاریخنده دمشقده طوغمش؛ و تحصیل و استماع ایچون دوربلاد ایده رك، بغدادده دخی بر مدت اقامتدن صكره، ٦٢۰ تاریخنده وفات ایتمشدر. خلاف و فراىٔض و فقه واصولده و نحو ودابیاتده ید طولی صاحبی اولدیغی كبی، هیىٔت‌ و نجوم وساىٔر فنوندن دخی بهره سی وار ایدی. تصانیف كثیره سی اولوب، باشلیجه لری شونلردر : ((البرهان)) ((مسألة العلو))، ((الاعتقاس))، ((ذم التأویل))، ((المتحابین فی الله تعالی))، ((فضل عاشوراء)) ((فضاىٔل العشر))، ((ذم الواس))، ((المشیخة))، فقهه داىٔر ١۰ جلد اوزره ((المغنی))، ٤ جلد اوزره ((الكافی))، ((المقنع))، ((العمدة))، ((القوانین))، ((الرقه و الكباء))، ((الهدایة))، ((التبیین فی نسب القرشین))، ((الاستنصار فی نصب الانصار))، ((قنعة الادیب فی الغریب))، ((الروضة فی اصول الفقه))، ((العلل للجلال)).