İbni l Abra - ابن العبری

(جمال الدین ابو الفرج بن تاج الدین هارون) مشاهیر مورخیندن اولوب، عربی وسریانی لسانلرنده متعدد آثاری و بعض اشعاری واردر. پدری یهودیدن خرستیان اولمش اولدیغندن، ابن العبری اسمیله شهرت بولمشدر. آوروپاجه ابو الفرج كنیه سیله شهرتی غالبدر. ٦٢٤ تاریخنده ملاطیه ده طوغوب، ٦٨٥ ده مراغه ده وفات ایتمشدر. پدری طبیب بولنمغله، ابتدا علم طبله

توغل ایتمش ایسه ده، بعده سریانی و عربی و یونانیٔ قدیم لسانلریله علوم ریاضیه و فلسفه تحصیلنه قوییله رق، انطاكیه ده علمای یعقویه یننده تمیز ایتمش؛ و مؤخراً مناسترك برینه چكیلوب، دنیادن انقطاع ایتمش؛ و رهبانلغك پطریقلكدن بر رتبه دون اولان جاثلیق پایه سنی احراز ایتمشدی. آثارینك اك مشهوری آیری آیری سریانی و عربی لسانلرنده یازمش اولدیغی بر تاریخ عمومیدر، كه ابتدای خلقندن زماننه دك اولان و قایعی جامع بیوك بر اثر اولوب، لاتینجه یه دخی ترجمه و طبع اولنمشدر. عربی اوله رق ((زبدة الاسرار))، ((دفع الهمم))، ((كتاب الغافقی)) عنوانلی تألیفاتی وساىٔر بعض ثاری دخی واردر.