İbni Abdü Rubbe - ابن عبد ربه

(ابو عثمان سعید بن عبدالرحمن) آنف الترجمه شاعرك بر ادرزاده سی اولوب، طبده و هیىٔت و نجومده و علی الخصوص علم الجوده یعنی هوالرك تبدلاتی وروزكارلرك حبوبی احوالنده و ساىٔر علومده ید طولی صاحبی ایدی. صیتمه یی تداوی ایتمه ده كندینه مخصوص بر اصولی اولوب، او وقت (كینین) بیلنمدیكی حالده، ساىٔر اطبانك كسمكه مقتدر اوله مدقلری نیجه صیمته لری كندی اصولیله ایی ایتمش اولدیغی مشهوردر. ((كتاب الاقرابا-

ذین))، ((تعالیق و مجربات فی الطب)) و ((ارجوزة فی الطب)) عنوانلریله اوچ اثری واردر. اواخر عمرنده اعمی اولمشیدی. ادبیاتدن دخی بهره سی و طبیعت شعریه سی اولوب، عمیجه سیله بعض مشاعره لری واردر. شو ایكی بیت بر قصیده سندندر : امن بعد غوصی فی علوم الحقاىٔق و طول انبساطی فی مواهب خالقی وفی حین اشرافی علی ملكوته اری طالباً رزقاً الی غیر رازقی