İbni Ravendi ~ ابن راوندی
Kamus-ul'Alam - İbni Ravendi ~ ابن راوندی maddesi. Sayfa: 626 - Sira: 6
İbni Ravendi - ابن راوندی
(ابو الحسن احمد بن یحیی) اصفهان جوارلرندن اولوب، بغدادده نشأت ایتمشدر. روایته كوره پدری یهودیدن مهتدی ایدی. معتزله متكلملرندن ایكن، بعده ارباب الحاده تبعیت ایتمش، و هیچ بر مذهب و اعتقادده ثبات ایتمز اولمشیدی. سامرا یهودیلرندن آلدیغی درت بیك درهم مقابلنده دین اسلامه قارشی ((البصیرة)) عنوانیله بر كتاب یازوب، بعده بو كتابنی جرح یولنده دیكر بر كتاب یازه رق، یهودیلردن دیكر بر مبلغ آلمدقجه، نشرندن صرف نطر ایتمه مشیدی. اكثر تألیفاتی بویله كفریاتدن عبارت اولوب، ((كتاب
التاج)) عنوانلی اثرنده عالمك قدمندن بحث ایدیور؛ ((كتاب الزمردة)) عنوانلی تألیفنده نبوتی انكار ایله انبیانك علیهنده ادارۀ لسانه متجاسر اولیور. كتابلرینك اكثریسنی ینه كندیسی رد ایتدیكندن، مسلكسز و افكارسز بر مجنون اولدیغی آكلاشیلیور. اهوازلی ابو عیسی نام یهودینك خانه سنده ساكن اولوب، اكثر كتب مضره سنی اونك نامنه یازدیغندن، مرقوم یهودی توقیف و حبس اولنمش؛ و كندیسی ایسه ابن لاوی اسمنده دیكر بر یهودی یه التجا ایدوب، بونك نامنه حضرت فخر كاىٔنات اسمیله بر كتاب ناصواب یازمش؛ وبر مدت صكره وفات ایتمشدر. تاریخ وفاتنه و سننه داىٔر اختلاف واردر. هر حالده اوچنجی قرن هجری اواسطنده وقرق یاشلرنده فوت اولدیغی آكلاشیلیور. آخر نفسنده توبه ایتدیكی دخی مرویدر. شو ایكی قطعه جملۀ اشعار بلیغه سندندر : الیس عجیبا بان امرء اً لطیف الخصام دقیق الكلم یموت وما حصلت نفسه سوی علمه انه ما علم سجان من وضع الاشیاء موضعها و فرق العز والاذلال تفریقا كم عاقل اعیت مذاهبه و جاهل جاهل تلقاه مرزوقا هذا الذی ترك الافكار حاىٔرة وصیر العالم الخریر زندیقا
Kamusul Alam, Şemseddin Sami; Kamusul Alamde İbni Ravendi maddesi. osmanlıcada İbni Ravendi ne demek, İbni Ravendi anlamı manası, İbni Ravendi osmanlıca nasıl yazılır. Osmanlıca sözlükte İbni Ravendi hakkında bilgi. Arapça İbni Ravendi ne demek. Arapça osmanlıca sözlük. Farsçada İbni Ravendi anlamı
Kamusul Alamde - ابن راوندی İbni Ravendi maddesi. Şemseddin Sami, Kamusul Alam Ansiklopedisi