İbni Hazem - ابن حزم

(ابو محمد علی بن احمد) اندلسك كبار علما و ادباسندن اولوب، اندلسده حكومت سورن دولت عامریه ملوكنك و زیری ایدی؛ پدری دخی وزارت مسندنده بولنمش ایدی. جد اعلاسی اولان یزید عن اصل فارسلی اولوب، معاویه بن ابی سفیانك برادری یزیدك آزادلیسی

ایدی. صاحب ترجمه ٣٨٤ تاریخنده قرطبه ده طوغوب، تفسیر و حدیث و فقه و ادبیاتده عصرینك و حیدی ایدی. علوم متنوعه یه داىٔر پك چوق كتابلر جمع و كندی خطیله دخی كتب كثیره استنساخ ایتمشیدی. فقه الحدیث حقنده ((الایصال لافهم الخصال)) عنوانیله غایت بیوك و كافۀ مساىٔل شامل بر كتاب یازمش اولدیغی كبی، ((الاحكام فی اصول الاحكم)) ، ((كتاب الفصل بین اهل الاهواء والنحل)) ، ((كتاب فی الاجماع و مساىٔله)) ، (( كتاب فی مراتب العلوم و كیفیة طلبها و تعلق بعضها بعض ))، ((التقریب بحدالمنطق)) عنوانلی اثرلری وساىٔر تألیفات كثیره سی واردر. ادبیات و فصاحتده دخی بینظیر اولوب، كندیسی قدر بداهةً كوزل شعر سویلر شاعر كلمه مشدر. شو قطعه ارتجالا سویلر شاعر كلمه مشدر. شو قطعه ارتجالا سویلدیكی اشعار جمله سندندر : لىٔن اصبت مرتحلا بحجسمی فروحی عند كم ابدا مقیم و لكن اللعیان لطیف معنی له سأل المعاینة الكلیم آنجق قدمای علما حقنده عدم حرمتده بولندیغندن، حسودلری بونی وسیله اتخاذ ایده رك، علیهنده اجرای تزویراتله، و طنندن نفی ایتسدیردكلرندن، ٤٥٦ تاریخنده (لبله) بادیه سنده وفات ایتمشدر. _ پدری (ابو عمر احمد ابن حزم) دولت مذكوره ملوكندن ابو عامر منصورك وزیری اولوب، عالم وادیب و مدبر و عادل بر ذات ایدی. ٤۰٢ تاریخنده وفات ایتمشدر. _ برادری (ابو رافع فضل ابی محمد ابن حزم) اشبیلیه صاحبی معتمد بن عبادك خدمتنده بولنوب، عالم وفاضل وادیب و عاقل بر ذات ایدی. ٤٧٩ تاریخنده مذكور معتمدله برابر قتل اولنمشدر.