ابراهیم عادل شاه

Osmanlica ansiklopedi kamus alemde ابراهیم عادل شاه maddesi. Sayfa:576


İbrahim Adil Şah - ابراهیم عادل شاه

هندستانك جنوب جهتنده یعنی دكن قطعه سنده حكم سورمش اولان عادل شاهیه سلاله سنك دردنجی پادشاهی اولوب، ایكنجی پادشاه اولان اسماعیل شاهك اوغلی، و سلاله نك بانیسی اولان یوسف شاهك تورونیدر. هند تاریخلرینك روایتنه و اوراجه متشر اولان بر اعتقاده كوره، كویا مشارالیه یوسف شاه سلالۀ طاهرۀ عثمانیه یه

منسوب اولوب، ابوالمغازی سلطان محمد خان ثانی حضرتلرینك برادری ایمش ده، حضرت فاتحك جلوسنده اعدامی مقرر اولدیغندن، والده سی طرفندن قورتاریلوب، یرینه بر ایرانلی اسیرجیدن آلنان بر كوله اعدام اولنمش؛ و كندیسی اسیرجی یه تسلیم اولنه رق، كوله قیافتنده ایرانه سوق اولنمش؛ و اورادن كندیسنه تجلی ایدن حضر علیه السلامك دلالتیله هندستانه كیده رك، اوراده پادشاهلغنه ناىٔل اولمش، هر حالده بو سلاله ترك جنسنه منسوبدر. صاحب ترجمه برادری ملو عادل شاهك سقوطندن صكره، ٩٤١ تاریخنده جلوس ایله، ٢٤ سنه ایله بر قاچ آی سلطنت سوردكدن صكره، ٩٦٥ تاریخنده وفات ایدوب، اوغلی علی عادلشاه حلفی اولمشدر. غایت جسور و فعال بر ذات اولوب، مدت سلطنتنی كچیرمشدر. بو سلاله ده برنجی اوله رق الكاسندن شیعیلكی رفع ایله مذهب حنفی یی ترویج ایدن بودر. تبعه سنك شیعیلرله مناسباتنی كسمك ایچون، الكاسنده بولنان ایرانیلری دخی تبعید و تبرید ایتمش، و فارسی لساننی تركله، اردو لساننی لسان رسمی اتخاذ ایلمشدر. مركز سلطنتی (بیچاپور) شهری ایدی.

Kamusul Alamde İbrahim Adil Şah maddesi, ابراهیم عادل شاه osmanlica tarih ve cografya ansiklopedisi İbrahim Adil Şah nedir anlami. hakkinda bilgi



5 12 19 26 33 40 47 54 61 68 75 82 89 96 103 110 117 124 131 138 145 152 159 166 173 180 187 194 201 208 215 222 229 236 243 250 257 264 271 278 285