İbrahim Saibi - ابراهیم صابیء

(ابو اسحاق ابراهیم بن هلال بن ابراهیم بن زهرون بن حبون حرانیٔ صابیٔ) دردنجی عصر هجرینك اك مشهور منشی و شاعرلرندن اولوب، بغداد ده هم خلیفۀ عباسی یه هم آل بویه دن عزالد وله بختیار بن مغرالدوله یه كاتبلك ایدر ایدی. ٤٣٩ تاریخنده رساىٔله مأمور اولوب، یازدیغی بلیغ و مؤثر‌ مكتوبلرله غضدالدوله بن بویه یی دكلیر ایتمش اولدیغندن، عزالدوله قتل اولنوب، بغداد عضدالدوله نك ضبطنه كچنجه، ٣٦٧ صاحب ترجمه یی حبس ایتمش، و فیلك آیاغی آلتنده ازدیرمك ایستمش ایسه ده، بعض ذواتك شفاعتی اوزرینه، دولت دیلیمیه نك تاریخنی یازمق شرطیله، عفو و اطلاق ایتمشیدی. صاحب ترجمه نك فصاحت و بلاغتلریله مشهور مكتوبلری و لطیف اشعاری واردر. ابراهیم صابىٔ مشرك اولوب، عزالدوله كندیسنی اسلامه كتیرمكه جهد ایتمش ایسه ده، دیننده پك متعصب اولدیغندن، موفق اوله مامشدر. (یمن) اسمنده بر سیاه كوله سی اولوب، كندیسنه محبتی اولدیغندن، بو یابده سویلدیكی شو قطعه جملۀ اشعارندندر. قد قال یمن و هو اسود للذی بیاضه استعلی علو الخاتن مافخر و جهك بالبیاض و هل تری ان قد افدت به مزید محاسن

ولوان منی فیه خالا زانه و لوان منه فی خالا شاننی ٣٨٤ سنه سی شوالنده، ٧١ یاشنده اولدیغی حالده، وفات ایدوب، شعرادن شریف رضی، مرثیه اوله رق، حقنده مشهور قصیدۀ دالیه یی سویلمشدر، كه مطلعی شودر : ارأیت من حملوا علی الا عواد ارأیت كیف خبا ضیاء النادی بو شاعر شریف اولدیغی حالده، بر مشركه مرثیه سویلمسنی تفبیح ایدنلره، بنم مرثیه م اونك علم و فضلنه عاىٔددر جوابنی ویرمشدر.