ابراهیم بن مهدی

Osmanlica ansiklopedi kamus alemde ابراهیم بن مهدی maddesi. Sayfa:552


İbrahim Bin Mehdi - ابراهیم بن مهدی

خلفای عباسیه دن مهدینك اوغلی وهارون الرشیدك برادریدر. فن موسیقیده وخواننده لكده بینظیر وزیاده سیله مجلس آرا ورند مشرب بر ذات ایدی. والده سی (شكله) زنجیه اولدیغندن، لونی زیاده سیله اسمر ایدی. علم و فضل و علی الخصوص ادبیاتده ید طولاسی و فوق العاده فصاحت لسانی و طبیعت شعریه سی دخی وار ایدی. ٢۰١ تاریخنده مأمون خلیفه خراسانده اولدیغی حالده، سلالۀ امام حسیندن علی بن موسی رضایی ولی عهد اتخاذ ایدوب، بنی عباسك علامت مخصوصه سی اولان سیاه اثوابك دخی یشیله تحویلنی امر ایتدیكندن، بنی عباس كندیسندن دلكیر اولمغله، مطلب بن عبداللهك سوق و دلالتیله بغدادده صاحب ترجمه ابراهیم بن مهدی یه بیعت اولنمش؛ و مأمون خراسانده اولدیغی حالده، ابراهیم بن مهدی ایكی سنه یه قریب خلافت ایتمش؛ و كوفه و مداین وساىٔر جهاتی دخی تحت اطاعتنه آلمش ایسه ده، مأمونك مرودن بغداده عزیمتی خبر آلننجه، مطلب تمارض ایده رك، ابراهیمك یانندن انفكاكله، بغداده عودت ایدوب، خلقی مأونك بیعتنه دعوت ایتمكله باشلامش؛ وهر كس ابراهیمدن روكردان اولمغله، بیچاره ابراهیم دخی تخت و تاجی تركله، بغدادده اختفایه مجبور اولمش، ابراهیم بن مهدینك بو اختفاسی غراىٔب احوالدن اولوب، ٢۰٣ سنه سی ذی الحجه سندن ٢١۰ سنه سی ربیع الآ خرینه دك، طقوز سنه یی متجاوز زمانده بغدادك ایچنده مختفی قالمش؛ و نهایت سنۀ مذكوره ده قادین قیافتنده و دیكر ایكی قادینك رفاقتنده اولدیغی حالده، طوتیلوب مأمونه كوتورلمش ایسه ده، مأمون كندیسنی عفو ایتمشدر. ابراهیم بن مهدی ١٦٢ سنه سی ذی القعده سنده طوغمش؛ و ٢٢٤

سنه سی رمضاننده، آلتمش ایكی یاشنده اولدیغی حالده، وفات ایتمشدر. حقنده و علی الخصوص ایام اختفاسنده كی احوالنه داىٔر پك چوق نوادر و حكایات غریبه منقولدر. علی الخصوص ذوق و طرب مجلسلرنده كی احوالی و مطرب و مغنیه لرله اولان مناسبات و مشاعره لری مشهوردر. كندیسی خلق قرآنه قاىٔل ایدی.

Kamusul Alamde İbrahim Bin Mehdi maddesi, ابراهیم بن مهدی osmanlica tarih ve cografya ansiklopedisi İbrahim Bin Mehdi nedir anlami. hakkinda bilgi



5 12 19 26 33 40 47 54 61 68 75 82 89 96 103 110 117 124 131 138 145 152 159 166 173 180 187 194 201 208 215 222 229 236 243 250 257 264 271 278 285