İbrahim Bin Kureyş Ukayli - ابراهیم بم قريش عقیلي

بنی عقیلدن قریش بن بدرانك اوغلی اولوب، موصل جهتلرنده حكمفرما اولان برادری مسلمك زماننده طول مدت زندانده باغلی اولدیغی حالده، مسلك وفاتنده بنی عقیل كندیسنی زنداندن اخراجله، ٤٧٧ تاریخنده موصل تختنه اجلاس ایتمشلردر. ابراهیم ٤٨٢ تاریخنه دك حكومت سوردكدن صكره، تاریخ مذكورده ملكشاه سلچوقی طرفندن جلب، وبر قلعه یه حبس اولنه رق، مملكتی ملكشاه طرفندن كوندریلن فخرالدوله بن جهیر طرفندن ضبط اولنمشیدی. ملكشاهك وفاتنده مسلك اوغللری بیننده منازعه وقوع بولوب، بعده ملكشاهك یرینه كچن زوجه سی تركان خاتون ابراهیمی قلعه بندلكدن تخلیصله موصله اعاده ایتمشدر. شام صاحبی بولنان ملكشاهك برادری (تتش) عراقی

ضبط ایتمك هوسنه دوشملكه، ابراهیمدن بغداد یولنی آچمسنی طلب ایتدیكی حالده، ابراهیم ممانعت ایتدیكندن، تتش حلب صاحبی آقسنغرله برابر ابراهیمك اوزرینه هجوم ایدوب، بونك معیتنده بولنان اوتوز بیك كشیلك عسكری منهزم، و ابراهیمی اسیر طوته رق قتل ایتمشدر. كه بوده ٤٨٦ تاریخنده وقوع بولمشدر.