İbrahim Efendi Kara Hİsari - ابراهیم افندی قره حصاری

(قره حصاری _) سلطان عبدالحمید اول حضرتلرینك دور سلطنتلری شیخ الاسلاملرندندر. قضاتدن عثمان افندینك اوغلی اولوب، ١١١٣ تاریخنده قره حصار شرقی قضاسنده تولد ایتمش؛ و ١١٢٧ تاریخنده استانبوله كلوب، مكرراً روم ایلی قاضیعسكری اولمش اولان عمیجه سی زین العابدین افندینك یاننده بولنه رق، ١١٣۰ تاریخنده ملازم اولمشیدی. مشارالیه زین العابدین افندی یه داماد اولوب، ١١٣٧ تاریخنده بر ابرنده مكۀ مكرمه یه كیتمش؛ و عودتندن صكره ٤٣ سنه سنده مدرس، ٦٨ ده سلانیك قاضیسی، ٧٤ ده شام ملاسی اولمش؛ وشامده ایكن مكه پایه سنی آلمش ایدی. ٨٢ ده استانبول قاضیسی، و ٨٣ ده لقیب الاشراف و آناطولی پایه سیله ثانیاً استانبول قاضیسی، ٨٤ ده آناطولی قاضیعسكری، ٨٧ ده ثانیا نقیب الاشراف، ٩۰ ایله ٩٣ تاریخلرنده دخی مكرراً روم ایلی قاضیعسكری ورىٔیسی العلما اولمشیدی. ١١٩٦ سنه سی شو النده مشیخت اسلامیه مسندینه ترفیع اولنمش؛ و سنی طقسانه قریب اولدیغی حالده،

٨ آی احراز مسند فتوادن صكره، ١١٩٧ سنه سی جماذی الآخره سنك ١٧ سنده استسقاء بطندن ارتحال ایتمشدر. سلطان سلیم جوارنده (بكحكز) محله سنده واقع خطیرۀ مخصوصه سنده دفن اولنمشدر. علمده شهرتی اولمیوب، كار آثنا بر ذات اولدیغی مرویدر.