İbrahim Efendi Cerrah Paşa şeyhi - ابراهیم افندی جراح پاشا شيخی

(جراح پاشا شیخی _) اون برنجی عصر هجری اواىٔلی مشایخ و علماسندن اولوب، عن اصل بولیلی اولدیغی حالده، درسعادته كله رك، دور مدارسله، اكمال تحصیل ایتدكدن صكره، اشتیبلی مشهور شیخ امیر واعط حضرتلرینه انتسابله، طریقته سلوك، و اكتساب كمالات ظاهریه وباطنیه ایتمش ایدی. پیاله پاشا جامعنده امام و خطیب وزاویه سنده شیخ‌ اولوب، حراح پاشا جامع شریفنده دخی وعط ایتدیكیچون، ((جراح پاشا شیخی )) اسمیله شهرت

بولمشیدی. سلطان عثمان ثانی حضرتلرینك معیتلرنده خوتن سفرینه دخی كیتمشیدی. ١۰٤٢ سنه سی شوالنده، یتمش یاشلرنده اولدیغی حالده، رحمت حقه ناىٔل اولوب، قاسم پاشا مقابرنده مدفوندر، اكثر علومده و علی الخصوص فقهده ید طولی صاحبی اولوب، مستحضراتی چوق ایدی؛ وقوۀ حافظه سی بر درجه ده ایدی، كه كندیسنه یوز مسىٔله صورلسه، هر برینك جوابنی ویردكدن صكره، بو جوابلردن هر برینك خانفی كتابك خانغی فصل وبا سنده بولندیغنی ایتمك عادتی ایدی. بو حال ایله برابر عاشق مشرب ولا ابالی اولوب، عشق و شوقی بر درجه ده ایمش، كه كمال طلاقتله و عظ ایدر ایكن، چوق دفعه جزبه سی غالب كلمكله، یهوش اولوب، كرسیدن دوشرمش، بر تعبیرنامه سی، جنازه مساىٔلنی جامع بر كتابی و اسماعیل افندینك ((حجة السماع)) نام كتابنی رد یولنده بر رساله سی واردر. اواخر عمرنده ظهور ایتمش اولان شیخ قاضی زاده ایله مساىٔل علمیه و مذهبیه ده مناقشه لری اولمشدر.