ابراهیم افندی

Osmanlica ansiklopedi kamus alemde ابراهیم افندی maddesi. Sayfa:533


İbrahim Efendi - ابراهیم افندی

عن اصل اور كوبلی اولوب، زمرۀ سپاهیاندن ازدین ویووده سی علی آغانك اوغلی اولمغله، استانبولده بولنان همشیره لرینی كورمكه كله رك، ١١۰۰ تاریخنده تبرداران زمره سی داخل اولمش؛ و متعاقباً سرای عتیق اوقاف كتابتنه تعیین اولنه رق، آززمان ایچنده یازیجی خلفیه سی اولمش؛ و او وقت شهزاده بولنان سلطان احمد خان ثالث حضرتلرینك خدمتنه اختصاص ایله، خدمۀ خاص الخاصنك اقدمی اولمشیدی. مشارالیه حضرتلرینك جلوسلرنده، دارالسعاده آغالغی كتابتنه تعیین اولنه رق، صداقت و عبودیتی مجرب

اولمغله، حقنده توجه شاهانه كوندن كونه فزون اولوب، اك محرم اسرار و اك مقبل مقریندن اولدیغی حالده، آلتی سنه بو مأموریتده قالوب، كندیسنه تكلیف اولنان مساند علیه یی قبول ایتمه مش؛ و نهایت ناىٔل اولدیغی توجه و تقربك دخی حسودلره كران كلدیكنی كورمكله، حرمین محاسبه جیلكیله سرایدن چیقمسنی استرحام ایتمش؛ و بر مدت صكره كوشۀ عزلنه چكلمش ایسه ده، مؤخراً موقوفاتفجیلك مأموریتنه نصب اولنه رق، بو مأموریته عاىٔد اولمیان نیجه مهام اموره دخی مأمور ایتمش؛ و موره و وارادین سفرلرنده دخی حاضر بولنوب، بو صكره كی سفرده اردوی همایونك دوچار اولدیغی هزیمتی پادشاهه عرض ایتمكه مأمور اولمش؛ وبو مناسبتله یكیدن سرای همایونه آلنه رق، روزنامچه جیلك مأموریتنه تعیین، و میراخور اول عنوانی دخی كندیسنه تفویض؛ و ١١٢٨ تاریخنده صدر اعظم خلیل پاشانك كتخدالغنه نصب اولنمشیدی. مؤخراً وزارت توجیهیله ركاب همایون قاىٔممقاملغنه ترفیع اولنمش، و داماد شهریاری اولمق شرفنه ناىٔل اولمشیدی. [بقیۀ احوالیچون ((ابراهیم پاشا)) ماده سنه مراجعت یوریله.]

Kamusul Alamde İbrahim Efendi maddesi, ابراهیم افندی osmanlica tarih ve cografya ansiklopedisi İbrahim Efendi nedir anlami. hakkinda bilgi



2 9 16 23 30 37 44 51 58 65 72 79 86 93 100 107 114 121 128 135 142 149 156 163 170 177 184 191 198 205 212 219 226 233 240 247 254 261 268 275 282