Ayvalık ~ آيوالق
Kamus-ul'Alam - Ayvalık ~ آيوالق maddesi. Sayfa: 522 - Sira: 3
Ayvalık - آيوالق
رومجه اسمی ینه ((آیوالق)) دیمك اولان كیدونیا و اسم قدیمی (هراقلیه) در. خداوندكار ولایتنك قره سی سنجاغنده قضا مركزی بر شهردر، كه آناطولی سواحل غربیه سنك اك ایشلك تجارتكاهلرندن اولوب، ادرمید كورفزی مدخلنك جنوبنده و مدللی جزیره سنك قارشیسنده، هر طرفی قپالی و او كی (یوند) آطه سیله محفوظ بر قویك ایچنده واقعدر. مركز لوا اولان بالیكسرینك ١۰۰ و مركز ولایت اولان بروسه نك ٢٢٥ كیلومتره غرب جنوبیسنده اولوب، آیدین ولایتنك حدودی قربنده بولنیور. اهالیسی ١٨٨٤٢ كشیدن عبارت اولوب، همان جمله سی رومدر. شهر داخلنده ١۰ كلیسا، ٦ مناستر، ٣ قره غولخانه وبر حكومت قوناغی واردر. تجارتی شراب وراقی ایله زیتون یاغندن و محلنده یاپلان صابون و سنتحیاندن عبارتدر. بیچاق كبی بعض شیلر دخی اعمال اولنور. _ قضا نفس ایوالق شهریله ١۰۰۰ قدر نفوسی حاوی بر قریه دن عبارت اولوب، شامل اولدیغی اراضیده باغ وزیتونلقلر چوقدر. حاصل اولان حبوباتنك باشلیجه سی بغدایدر. قیونلرینه نسبةً كچیلری چوقدر.
Kamusul Alam, Şemseddin Sami; Kamusul Alamde Ayvalık maddesi. osmanlıcada Ayvalık ne demek, Ayvalık anlamı manası, Ayvalık osmanlıca nasıl yazılır. Osmanlıca sözlükte Ayvalık hakkında bilgi. Arapça Ayvalık ne demek. Arapça osmanlıca sözlük. Farsçada Ayvalık anlamı
Kamusul Alamde - آيوالق Ayvalık maddesi. Şemseddin Sami, Kamusul Alam Ansiklopedisi
Ayvalık ~ آيوالق güncel sözlüklerde anlamı:
Ayvalık :::
- Ayva ağaçlarının çok bulunduğu yer.