Ajax ~ آياقس
Kamus-ul'Alam - Ajax ~ آياقس maddesi. Sayfa: 508 - Sira: 5
Ajax - آياقس
تروآ محاربه سنه كیتمش اولان یونان حكمدارلرندن اولوب،
(سالامینه) یعنی (اكینه) آطه سنك حكمداری و (تلامون) ك اوغلی ایدی. (آخیلاوس) دن صكره بو محاربه ده بولنان یونان قهر مانلرینك اك جسوری اولوب، آخیلاوسك سلاحلریچون (اولیس) له منازعه ایتمش ایسه ده، باشنه چیقه مامغله، حدتندن قویونلری آدم ظن ایده رك، بر سوری اتلاف ایتمش؛ ونه یاپدیغنی آكلاینجه، اوتاندیغندن كندینی اولدیرمش، مشاهیر شعرای یوناندن (سوفوقل) بو فسانه لی ((متهور آیاقس)) عنوانیله سلك نظمه كچمشدر. _ دیكر بر آیاقس دخی لوقریده لیلرك حكمداری اولوب، ٤۰ كمی ایله تروآ محاربه سنه كیتمش، و شهرك فتحندن صكره، عقل الهه سی (میزوه) نك معبدی ایچنده (قساندره) نك عرضنه طوقندیغندن، كویا الهه طاریلوب، عودتنده كمیلرینی باتیرمش؛ و كندیسی قورتلوب، بر قیانك اوزرینه چیقه بیلمش ایسه ده، اورادن دخی آلهه یه قارشی كفر ایتدیكندن، دكیز الهی نپتون قیایی پاره لیون، كندیسنی تلف ایتمش.
Kamusul Alam, Şemseddin Sami; Kamusul Alamde Ajax maddesi. osmanlıcada Ajax ne demek, Ajax anlamı manası, Ajax osmanlıca nasıl yazılır. Osmanlıca sözlükte Ajax hakkında bilgi. Arapça Ajax ne demek. Arapça osmanlıca sözlük. Farsçada Ajax anlamı
Kamusul Alamde - آياقس Ajax maddesi. Şemseddin Sami, Kamusul Alam Ansiklopedisi