Aveyron - آويرون

فرانسه نك قسم وسطیسنك جنوب جهتنده واقع بر یالتی اولوب، اورته سندن جریان ایدن نهرك اسمیله تسمیه اولنممشدر. شرقاً (لوزرنه) و (غارد) ایالتلریله، جنوب شرقی طرفندن آق دكیز ساحلنه قدر ممتد اولان (هرولت) ایالتیله، جنوب غربی طرفندن (تارن) ایالتیله، غرباً تارن مع غارونه و (لوت) ایالتلریله، شمالاً دخی (قانتال) ایالتیله محدود و محاطدر. طولاً پارسك حذاسنده اولوب، عرضاً ْ٤٤ ایله ْ٤٥ درجه لری آره سنده بولنیور. مركزی اولان (رودز) شهری پارسك ٦۰٤ كیلومتره جنوبنده واقعدر. فرانسه نك اك بیوك ایالتلرندن اولوب، شمالدن جنوبه اولان بویی قوش اوچشی حسابیله ١٥۰ ، و شرقدن غربه اولان اكی دخی ١١۰ كیلومتره، ومساحۀ سطحیه سی ٨٧٤٣ مربع كیلومتره در. بو ایالتك اراضیسی كاملا طاغلق اولوب، طاغلری دخی پك صرپ وقورو اولمغله، بر طاقم دهشتلی اوچوروملری ودیك قیالری دخی حاویدر. عمومیت اوزره شرق طرفی دها یوكسك اولوب، غرب جهتنه طوغری ارتفاعی آزالیر، وصولری دخی او جهتجه طوغری آقار. شرقدن غربه جریان ایدن ٣٢

(ژونته) ، (دوربی) ، (سرنون) ،(دوردو) و (موزه) چایلری منصب اولور. (لوت) نهری دخی خیلی بیوك اولان (ترویره) ایله ینه (دوردو) تسمیه اولنان دیكر بر چای اخذ ایدر. بو نهرلرك یالكز (لوت) ك بر قسمی سیر سفاىٔنه صالحدر. ایالتك شرق جهتنده هوا پك صوىٔوق اولوب، یوكسك طاغلر سنه نك بر بیوك قسمنده قارله مستور بولنور، وقیشلر اوزون اولوب، موسملرك تبدلی دخی بردن بره وقوع بولور. غرب جهتنك هواسی نسبةً دها ملاعمدر، واو قدر سریع التحول دكلدر. بو جهتك بعض محللرنده علی الخصوص مركز ایالتك جوارلرنده اوزوم دخی یتیشیر، و كوزل بر نوع شراب یاپیلیر. آلچق ودوز یرلرده بغدای، آرپه، چاودار، یولاف ومصر كبی بعض حبوبات حاصل اولورسه ده، احتیاجات محلیه یه كفایت ایتمیوب، پك چوق زحمتله یتیشدیریلن پتاره ایله دفع احتیاج اولنور. ایالتك بعض طرفلرنده و علی الخصوص (اوبراق) طاغلرنده بعض واسع اورمانلر دخی بولنوب، باشلیجه آغاجلری میشه، چام وكور كندن عبارتدر. كستانه آغاجلری دخی بولنوب، میوه لری طاغ اهالیسنك مدار تعیشی اولور. اكثر ارضیسی مرعالردن عبارت اولوب، علی الخصوص (اوبراق) طاغلرینك مرعالری پك ایی اولدیغندن، یازین همجوار ایالتلردن دخی كلیتلی قویونلر اورالره سوق اولنور. (لازراق) طاغلرینك مرعالری دخی كرك قویونلرك ات وسوتنه لذت ویرمك وكرك یپاغیلرینی اصلاح ایتمك خاصه لرینی حاىٔز بولنمغله، اورالرده كلیتلی قویونلرك سوتندن (لاكول) تعبیر اولنان جنسدن پك چوق پینیر اسحصال اولندیغی كبی، (روقفور) اسمیله آوروپاده مشهور و پك مقبول اولان بر نوع قیمتلی پینیر دخی چیقار. آویرون ایالتنك معدنلری پك چوق اولوب، وقتیله كومش و آلتون معدنلری مشهور ایدیسه ده، آمریقانك كشفندن صكره بونلر ترك اولنوب، اخراج اولنمامقده در. (تارن) نهرینك صولرنده بعض آلتون ریزه لری بولنور. كمور معدنی دخی پك چوق اولوب، یالكز ایالتك شمال غربی جهتنده كی (اوبن) ناحیه سنده چیقارلمقده اولدیغی حالده، سنوی یدی ملیون قنطاردن زیاده آلنور. دمیر، باقیر، قورشون،

(تارن) ، (آویرون) و (لوت) نهرلری ایالتك اراضیسنی اوچ موازی حوضه یه تفریق ایدیور. ایالتك جنوبنده (لارزاق) اسمیله بر صره طاغلر واردر، كه صیرتلری بو ایالتك حدود جنوبیه سنی آیردقدن صكره، (هرولت) ایالتی ایچنده غرب جنوبی یه طوغری اوزانیرلر. بو طاغلر غایت قورو و صرپ اولوب، اوستلرنده نه بر آغاچ و نه بر آقار صو كورینور. بناءً علیه قریه و اهالیلری دخی اولمیوب، یالكز قورو اوتلریله دیكنلری قیونلره پك یارادیغندن، یازین بعض قویون سوریلرینه، و بعض درین وادیلرنده بر طاقم مسكین قلبه لرله اطرافنلرنده بر ایكیشر چاودار ویولاف تارله سنه تصادف اولنور. (تارن) وادیسنی كچدكدن صكره، بو طاغلرك قارشیسنده یعنی شمال جهتنده (لوازون) طاغلری بولنیور، كه (آویرون) وادیسنی دخی حاوی اولوب، ایالتك شمال جهتنده لی (لوت) وادیسنه قدر ممتد اولورلر. بو طاغلر دخی قورو و صرب اولوب، (لازراق) طاغلرندن پك آز فرقلری واردر. لوت وادیسنك شمالنده ایسه (اوبراق) طاغلری بولنیور، كه بونلر دخی صرپلقده وقورولقده اوته كیلردن فرقلی دكل ایسه لرده، اونلر كبی كلسدن عبارت و بیاض طاشلی اولمیوب، غرانیتدن عبارت وبر طاقم اراصیٔ بركانیه یی وسونمش بركان آغزلریله بازالت وساىٔره صحره لرینی حاویدرلر. غربه طوغری ایندلدكجه، اراضینك طبیعتی دخی او وحشت انكیز منظره یی غاىٔب ایدوب، براز ملایمت ولطافت كسب ایتمكه باشلار. (لارزاق) سلسله سنك اك مرتفع محل ٩٢١ ، (اوبراق) سلسله سنك اك یوكسك ذروه سی ١٤٧١ متره ارتفاعنده در. بو ایالتك نهرلری ذكر اولنان تارن، لوت، ب آویرون ایله بونلره دوكیلن بر طاقم چایلردن عبارت اولوب، تارن ایله لوت دها بیوك ایسه لرده، بونلرك ایكیسی ده (لوزره) ایالتندن كلوب، آویرون ایالتنی شق ایتدكدن صكره، اسملریله تسمیه اولنان دیكر برر ایالتده خیلی جریان ایتدكلرندن، و (آویرون) ایسه بو ایالتده نبعان ایدوب، مجراسنك قسم كلیسی ده بونده اولدیغندن، ایالت بونك اسمیله تسمیه اولنمشدر. آویرون نهرینه باشلیجه (ویاؤر) چایی دوكیلور، كه اوده (ویولو) ، (ژیقو) ، (سىٔور) كبی بعض چایلرك صولرینی اخذ ایدر. (تارن) نهرینه درون ایالتده

آنتیمون، چنقو، جیوه وساىٔر معدنلری دخی چوق اولدیغی كبی، هر طرفندد متعدد و متنوع معدن صولری دخی بولنیوسه ده، شهرت بولانلری یوقدر. اراضیسنك طبیعتی اقتضاسنجه، درون ایالتده شایان تماشا وجالب حیرت بر چوق مغاره لر، شلاله لر، اوچورملر، وبویله دهشت انكیز منظره لر آره سنده غایت لطیف موقعلر دخی واردر. یاریم عصر اوله كلنجه یه قدر بو ایالتك ثروت عمومیه سی زراعت و حیوانات محصولاتندن عبارت اولوب، اهالی دخی وساىٔر طرفلرله آز اختلاط ایتدكلرندن اسكی حاللرینی محافظه ایله، معارف وصنایعده هیچ برترقی ایتمه مشلردی. آنجق بو صوك وقتلرده محلك معدنلرندن و كمورندن بالاشتفاده پك چوق فابریقالر یاپیلوب، بر طرفدن چیقان معدنلر تطهیر و تهیىٔه، و بر طرفدن دمیردن، باقردن وساىٔر معدنلردن پك چوق آلات وادوات اعمال اولنمقده در. یوك وپاموقدن دخی انواع منسوجات اعمال ایدر بر چوق فابریقه لرله، دباغخانه لر وساىٔره آچلمش، و كیتدكجه چوغالمقده بولنمشدر. حیوانات محصولاتی دها ایلری یه كوتوریلوب، یالكز (لاكول) ایله (روقفور) پینیرلری سنوی بر بچق ملیون فرانغه قریب تجارت براقیور. اراضینك طبیعتی طرق و معابرك و علی الخصوص دمیر یوللرك تكثیر وتوسیعنه مانع اولمغله، تجارت لایقیله ترقی ایده مه مش ایسه ده، هر حالده ایالتك اورته سندن چكمك اوزره بر دمیر یول خطی تمدید اولنمش، وبر چوق شوسه لر دخی یاپلمش اولدیغی كبی، فابریقه لرك تكثری دخی تجارتی خیلی توسیع ایتمشدر. آویرون ایالتی بر وجه آتی ٥ قضا ٤٢ ناحیه و ٢٨٩ داىٔرۀ بلدیه یه منقسمدر : قضا ناحیه داىٔرۀ بلدیه اهالی اسپالیون ٩ ٤٨ ٨٥٢ ٦٣ میلهو ٩ ٥۰ ٥١٥ ٦٦ رودز ١١ ٧٦ ٨٨٥ ١۰٨ سنت آفریقه ٦ ٥٤ ٣٦٦ ٥٩ ویلفرانشه ٧ ٦١ ٨٥٦ ١۰٣ جمعاً ابالتك اهالیسی ٤٧٤ ٤۰٢ اهالینك بو مقداری ١٨٧٢ سنه سی تحریرینه كوره اولوب، او زماندن بری ٨٢٦ ٤١٥ نفوسه

بالغ اولمشدر. كه بهر مربع كیلومتره باشنه ٤٧ كشی دوشیور. بونلرك یالكز ٣۰۰۰ قدری پروتستان وقصوری كاملاً قتولیكدر. آویرون ایالتنده ابنیه وسوقاقلرینك كوزلكنجه ذكره شایان هیچ بر قصبه سی اولمیوب، اكثریسنك سوقاقلری طار وطولاشیق وابنیه لری پك نظامسزدر. مركزی اولان (روذر) ك یالكز ١٢۰۰۰ ، (میلهو) نك ۰۰۰ ١٥ و ویلفرانشه نك ٩٣۰۰ اهالیسی واردر. سنت آفریقه قصبه سی ساىٔرلرندن زیاده تجارتكاه ایسه ده، یالكز ٧٥۰۰ اهالیسی واردر. بونك جوارنده پینیریله مشهور اولان (روقفور) قریه سی بولنیور.