Provinced Anvers ~ آنور ايالتی
Kamus-ul'Alam - Provinced Anvers ~ آنور ايالتی maddesi. Sayfa: 444 - Sira: 6
Provinced Anvers - آنور ايالتی
ایالتی بلچیقه نك اك كوچك لكن اك اهمیتلی ایالاتندن اولوب، شمال و شمال شرقی طرفندن فلمنكك (برابان) ایالتیله و جهات ساىٔره دن بلچیقه نك ساىٔر ایالتلریله یعنی غرباً (شرقی فلاندره )، جنوباً (برابان) و شرقاً (لیمبورغ) ایالتلریله محدود و محاطدر. حدود غربیه سی (اسقو) ایرماغی مجراسیله آیرلمشدر. شرقدن غربه اولان طول اعظمی تقریباً ٦٥ و عرضی ٤٥ كیلومتره اولوب، ٢٨٣١ مربع كیلومتره مساحۀ سطحیه سی و ٦٥٢۰٦١ اهالیسی واردر، كه بهر مربع كیلومتره باشنه ٢٥١ كشی دوشمكله، دنیانك اك زیاده مسكون یرلرندندر. بو ایالت ٣ قضا، ٢٢ ناحیه و ١٤٩ داىٔرۀ بلدیه یه منقسم اولوب، قضالرینك مركزلری آنور، مالینه و تورنهوت قصبه لریدر. ایالتك اراضیسی دوز و آلچق اولوب، قوملق و بعض یرلری چالیلق اولدیغی كبی، (اسقو) ایرماغی طغیانندن داىٔما تهدید آلتنده بولنه جق صورتده ایسه ده، اهالینك فوق العاده اولان سعی و غیرتیله ایرماغه مكمل سدلر یاپلمق، و هرطرفه جدوللر آچیلوب، اراضی كوزلجه
سقی و اروا اولنمق قوتیله پك منبت و محصولدار بر مملكت حكمنه كچمشدر. باشلیجه محصولاتی كتان، كنویر، توتون، پتاته وبزورات زیتیه نك انواعندن و حیوانات بسلمكه یارایان نباتات متنوعه دن عبارت اولوب، آتلری و صیغیرلری دخی پك مشهوردر. آنجق اهالینك باشلیجه معیشتی زراعتدن اولمیوب، صنایعدن اولمغله، فابریقه لرك انواعی پك چوقدر.
Kamusul Alam, Şemseddin Sami; Kamusul Alamde Provinced Anvers maddesi. osmanlıcada Provinced Anvers ne demek, Provinced Anvers anlamı manası, Provinced Anvers osmanlıca nasıl yazılır. Osmanlıca sözlükte Provinced Anvers hakkında bilgi. Arapça Provinced Anvers ne demek. Arapça osmanlıca sözlük. Farsçada Provinced Anvers anlamı
Kamusul Alamde - آنور ايالتی Provinced Anvers maddesi. Şemseddin Sami, Kamusul Alam Ansiklopedisi