Amilcar ~ آميلقار
Kamus-ul'Alam - Amilcar ~ آميلقار maddesi. Sayfa: 385 - Sira: 10
Amilcar - آميلقار
قرتاجلیلرك رومالیلرله واقع اولان محاربات مشهوره سنده ابراز شجاعت ایتمش بر قاچ قرتاجلی سردارك اسمیدر. بونلرك اك مشهوری بیوك (آنیبال) ك پدری اولان (آمیلقار بارقه) در، كه طول مدت سیچلیاده رومالیلره مقاومت ایتمش ایسه ده، نهایت میلاددن ٢٤١ سنه اول (اغاته) آطه لری اوكنده واقع اولان بر محاربۀ بحریه ده روما سردارلرندن (لوتانیوس قاتولوس) طرفندن مغلوب اولمش، و بو مغلوبیتله محاربه ختام بولمشدر. قرتاجه عودتنده، اوراده ظهور ایتمش اولان بر اختلالی باصدیرمش؛ و بعده اسپانیایه چكوب، اورانك اك محارب اقوامنی رام ایده رك، كندی خانداننك اسمنه نسبتله (بار چننو) تسمیه ایتدیكی وبو كون (بارچلونه) دنیلن شهری بنا ایتمش؛ و تكرار رومالیلرك اوزرینه یوریمكه حاضرلنمقده ایكن، قبل المیلاد ٢٢٩ تاریخنده (وتون) قومیله بر محاربه ده مقتولاً وفات ایتمشدر. او وقت طقوز یاشنده بولنان اوغلی آنیباله، رومالیلرك كین وخصومتنی ابدی قلبندن چیقارمامق اوزره، یمین ایتدیرمش اولدیغی مرویدر.
Kamusul Alam, Şemseddin Sami; Kamusul Alamde Amilcar maddesi. osmanlıcada Amilcar ne demek, Amilcar anlamı manası, Amilcar osmanlıca nasıl yazılır. Osmanlıca sözlükte Amilcar hakkında bilgi. Arapça Amilcar ne demek. Arapça osmanlıca sözlük. Farsçada Amilcar anlamı
Kamusul Alamde - آميلقار Amilcar maddesi. Şemseddin Sami, Kamusul Alam Ansiklopedisi