Amül ~ آمل
Kamus-ul'Alam - Amül ~ آمل maddesi. Sayfa: 378 - Sira: 3
Amül - آمل
ایرانك شمال طرفنده مازندران خطه سنده بر شهردر، كه پك اسكی اولوب، وقتیله طبرستانك مركزی ایدی. بلفروخ شهرینك ٧ ویا ٨ ساعت غربنده، بحر حززك ساحل جنوبیسندن ٦ مسافه ده وطهرانك تقریباً ١٢٥ كیلومتره شمال شرقیسنده (هراز) ویا (هروز) نهری اوزرنده واقعدر. شمدیكی حالده شهرك یالكز ١١۰۰ خانه سی و ۰۰ ١۰۰ قدر اهالیسی اولوب، اولری اسكی شهرك خرابه لرندن آلنمش طوغله لردن معمول اوله رق، پك سیرك و واسع باغچه لر ایچنده در. بو نكله برابر شهرك اطرافنده خیلی مسافه ده خرابه لر بولندیغندن، وقتیله پك بیوك بولنمش اولدیغی آكلاشیلیور. نهر مذكور اوزرنده ١١ كمرلی بر كوپریسی، شاه عباس طرفندن بنا اولنمش بر قلعه سی، مجوسیلر زماننده آتشكده بولنمش اولان ٣ قلعه سی و ٤ كاروانسرایی واردر. نواحیسنده، پاموق وپرنج حاصل اولدیغی كبی، جوارنده كی طاغلرده خیلی دمیر معدنلری بولنیور. شهرده دمیر ایشلندیكی كبی، یاقوت حموی زماننده مشهور سجاده وخالیلر دخی اعمال اولنوردی. بو شهر پك چوق علمانك وطن ومنشىٔ اولوب، زیرده ذكر اولنه جق دیكر آمل علماسندن تفریق ایچون، بونلر اكثریا ((طبری)) نسبتیله شهرت بولمشلردر.
Kamusul Alam, Şemseddin Sami; Kamusul Alamde Amül maddesi. osmanlıcada Amül ne demek, Amül anlamı manası, Amül osmanlıca nasıl yazılır. Osmanlıca sözlükte Amül hakkında bilgi. Arapça Amül ne demek. Arapça osmanlıca sözlük. Farsçada Amül anlamı
Kamusul Alamde - آمل Amül maddesi. Şemseddin Sami, Kamusul Alam Ansiklopedisi
Amül ~ آمل güncel sözlüklerde anlamı:
âmil ::: (a. s.) : emeli olan, isteyen.
âmil ::: (a. s.) emeli olan, isteyen.