Amidi - آمدی

سیف الدین _ (ابو الحسن علی بن ابی علی محمد بن سالم النغلبی) مشاهیر علمای اسلامدن اولوب، هجرت نبویه نك ٥٥١ تاریخنده آمد یعنی دیاربكرده دینایه كلمش؛ وبغداده انتقال ایله ابتدا خنبلی مذهبنجه ابن المنی ابو الهتح نصر بن فتیاندن تحصیل فقه ایتدكدن صكره، مذهب شافعی یه انتساب ایله، شیخ ابو القاسم بن فضلانك درسنه مداومتله، علم خلافده كسب تمیز ایتمش؛ وبعده شامه كیدوب، علوم عقلیه نك تعلم وتدرسنه باشلامش، وعلوم مذكوره ده زماننك فریدی اولمشیدی. مؤخراً مصره انتقال ایله، مدرسۀ مجاوره وجامع ظافریده تدریس علوم وفنونه باشلامش، ومصر اهالیسی كندیسندن پك چوق استفاده ایتمشیكن،

مؤخراً بعض فقها حسدلرندن كندیسنی فساد عقیده ومذهب فلسفی ایله انتهامه قالقیشوب، علیهنده بر محضر ترتیب ایتمشلر. حتی مشهوردر كه اصحاب فطاتندن بر ذاته، لاجل الامضا، بو محضر تقدیم اولندیغندن، امضاسنك اوستنده شو بیتی یازمش : حسدوا الفتی اذ لم نیالوا سعیه فالقوم اعداء له وخصوم سیف الدین آمدی بو محضرك ترتیبندن جبر آلنجه، خفیاً چیقوب، شامه عودتله، حماده اختیار اقامت، وبر مدت صكره دمشقه عزیمت ایده رك، (مدرسۀ قزیزیه) مدرسلكنه تعیین اولنمش ایسه ده، ینه فساد عقیده بهتانیله اتهام اولنه رق، عزل اولندقده، بر كوشه یه چكیلوب، ٦٣١ سنه سی صفرینك اوچنجی كونی ارتحال ایتمشدر. اصول دین وفقه ومنطق حكمت وفنون ساىٔره یه داىٔر یكرمی قدر تألیفی اولوب، اك مشهورلری : علم كلامده ((ابكار الافكار ))، ((مناحْح القراحْح )) ، ((رموز الكىٔوز )) ؛ علم اصولده ((دقاىٔق الحقاىٔق))، ((لباب الالباب ))، ((منتهی السول فی الاصول)) ؛ علم خلافده ((طریقه)) و ((مختصر)) نام اثرلریدر.