آمپر

Osmanlica ansiklopedi kamus alemde آمپر maddesi. Sayfa:364


Ampere - آمپر

فرانسه نك مشاهیر علماسندن اولوب، میلادك ١٧٧٥ تاریخنده (لیون) قربنده (پولمیو) قصبه سنده طوغمش، و ١٨٣٦ ده وفات ایتمشدر. علوم ریاضیه وطبیعیه ده

وعلی الخصوص حكمت طبیعیه وكیمیاده ید طولی صاحبی اولوب، لیون وپارسك بر چوق مكتبلرنده معلملك ایتمش، و انجمن فنون اعضالغنه ودار الفنون مفتشلكنه تعیین اولنمش؛ و الكتریق ومقناطیسه متعلق بر طاقم كشفیات نافعه یه موفق اولوب، حتی الكتریقك مخابراتده استعمال اولنه بیله جكنی بیانله تلغرافك اختراعنه دخی خدمت ایتمشدر. فنون مذكوره یه متعلق بر خیلی آثاری اولدیغی كبی ((فنونك فلسفه سی)) عنوانیله دخی پك معتبر بر تألیفی واردر. علامۀ مشهور (آراغو) صاحب ترجمه حقنده بر مدحیه قلمه آلمشدر. _ بونك اوغلی (ژان ژاق آمپر) دخی ادبیاتده كسب شهرت ایدوب، تنقیدات ادبیه وتاریخه متعلق بعض آثار معتبره یازمش؛ و فرانسه آقادمیاسی اعضاسندن بولنمشدر. میلادك ١٨۰۰ تاریخنده لیونده طوغوب، ١٨٦٤ ده وفات ایتمشدر.

Kamusul Alamde Ampere maddesi, آمپر osmanlica tarih ve cografya ansiklopedisi Ampere nedir anlami. hakkinda bilgi



7 14 21 28 35 42 49 56 63 70 77 84 91 98 105 112 119 126 133 140 147 154 161 168 175 182 189 196 203 210 217 224 231 238 245 252 259 266 273 280