Alpes - آلپ

اوروپا قطعه سنك اك یوكسك طاغلری اولوب، بو قطعه نك اك مرتفع محلنی تشكیل ایدیورلر. بو طاغلر نصف داىٔره شكلنده بر بیوك سلسله دن عبارتدر، كه ایتالیانك شمال طرفنی احاطه، وفرانسه، اسویچره وآلمانیادن تفریق ایدیور. بو سلسله نك صرتی جنوه كورفزی جانب غربیسنده (نیسه) شهرینك اوستندن باشلایه رق، وندیك كورفزینك اك درین محلنده اولان (قارنرو) خلیجنه منتهی اولور، وبر قولی ده شرقه طوغری اوزانه رق، تاویانه شهرینه قدر واصل اولور.‌ بو صرتك ایكی‌ كنارندن جنوبه طوغری ایكن اوزون شعبه اوزانیور، كه بری ایتالیانك‌ بر اوجندن او بر اوجنه قدر ممتد اولان (آپینین) سلسله سیدر؛ ودیكری‌ دخی بلقان شبه جزیره سنه كیروب، وبر طرفدن شار وپندوس‌ ناملریله تاموره شبه جزیره سنك اوجنه ودیكر طرفدن دخی (بلقان)‌ نامیله قره دكیزه قدر ممتد اولیور. بو شعبه لردن صرف نظر اولندیغی حالده، اصل آلپ جبالی شرقدن غربه قوش اوچومیله ١١۰۰ كیلومتره لك محلده ممتد اولوب، جنوبدن شماله اولان وسعتی دخی بوندن آشاغی دكلدر. بو طاغلر‌ایتالیا، فرانسه، اسویچره، آلمانیا وآوستریا دولتلری آره-

سنده وبو وجهله آوروپای وسطینك اورته سنده واقعدر. آلپ طاغلری آسیا وآمریقا طاغلری قدر یوكسك وجسیم دكل ایسه ده، اوروپا قطعه سنه كوره ینه او اهمیتی حاىٔز اولوب، كرك اهالینك لسان وملیتنجه وكرك اراضینك احوال طبیعیه سنجه اوروپانك اورته سنده برحد فاصل یرینی طوتیور. ماىٔله لری اوروپانك درت نهرلردن (پو) و (آدیج) وندیك كورفزینه (رون) غربی آق دكیزه، (رین) بحر شمالی یه و (طونه) قره دكیزه دوكیلور. آلپ طاغلرینك جنوب طرفی دیك وصرب اولوب، لومباردیا اووه سنك‌ شمالنده بوینه اوزانیر یوكسك بر دیوار صورتنده در. شمال طرفی ایسه بر سطح ماىٔل صورتنده اولوب، شماله طوغری متوازیاً ممتد اولان شعبه لری آره لرنده بر طاقم كوزل وادیلر وبایرلر تشكیل ایدیورلر، كه اسویچره نك بتونیله باویره نك جنوب قسمی بو سطح ماىٔلك اوزرنده واقعدر. بو طاغلرك اورته سی مرتفع وداىٔمی صورتده قارله مستور بر طاقم صرتلردن عبارتدر، كه بونلرك نقطۀ التصاقنده اك یوكسكلری اولان (سنت غوتارد) طاغی بولنیور؛ ویوقاریده ذكر اولنان درت ایرماق بونك یانلرندن نبعان ایدیور. (سنت غوتارد) آلپ طاغلرینك اك یوكسكی اولدیغی حالده، آلب طاغلرینك اك مرتفع ذروه لری بونده اولمیوب، بوندن‌ آلچق اولان دیكر بعض طاغلرده بولنان (مونت بلانق ) و (مونت روز) ذروه لریدر. سنت غوتاردك اك یوكسك محلی ٣٢۰۰ متره ارتفاعنده اولدیغی حالده، (مونت بلانق) ك ارتفاعی ٤٨١۰ متره در. اسویچره ایتالیایه چكید ویرن سنت غوتارد بوغازی دخی ٢١١٤ متره ارتفاعنده در. آلپ طاغلرینك بر خاصه سی واردر، كه اوده منتظم ودوز صرتلر وصره لر تشكیل ایتمیوب، ز شكلنده هر طرفه شعاعلر صالمسی، وكرك مركزىٔده كرك بو شعاعلرده هر طرفدن‌ سیوری وغریب الشكل ذروه لر یوكلمسیدر. بو ذروه لرك داىٔمی صورتده قار وبوزله مستور اولمسی،‌ اك یوكسك محللرندن وقت وقت قار وبوز یغینلرینك قوپوب، یووارلنمسی، وعلی الخصوص بو طاغلرك آلتلرنده كرك اسویچره ده

۰٤ پنین آلب سلسله سی ایتالیا ایله اسویچره آره سنده غرب جنوبیدن شرق شمالی یه ممتد اولوب، مونت بلانقدن (سنت غو تارد) طاغنه قدر ١٦۰ كیلومتره در. اك یوكسكلری اولان مركز آلب سلسله‌ لری (مونت بلانق) یعنی ((آق طاغ)) ٤٨١۰ متره. بیوك (سنت برنارد) چكیدی ٢٤٧٢ متره. بیوك (قومبن) طاغی ٤٣١٧ متره. (سروت) طاغی ٤٤٨٢ متره.. (مونت روز) یعنی ((پنبه طاغ))‌ ٤٦٣٢ متره. (سمپلون) بوغازی ٢۰٢۰ متره. ٥۰ لپونتیان آلب سلسله سی ینه ایتالیا اسویچره آره سنده غرب شمالیدن شرق جنوبی یه ممتد اولوب، سنت غوتارد طاغندن‌(برنینا) طاغنه قدر ١٦۰ كیلومتره در. (سنت غوتارد) طاغنك ذروه سی ٣٢۰۰ متره. (فینسترارون) ذروه سی ٤٣٦٢ متره. (فورقه) بوغازی ٢٤٥٩ متره. (آدوله) طاغی ٣٣١٥ متره. (لوقمانیه) بوغازی ١٩١٧ متره. (برناردیىٔو) چكیدی ٢۰٦٣ متره. (اسپلوكن) ذروه سی ٢٨٥۰ متره. (اسپلوكن) بوغازی ٢١١٧ متره. (مالویه) بووغازی ١٨١١ متره. (برنینا) ذروه سی ٤۰٥٢ متره. (برنینا) بوغازی ٢٣٣٤ متره. ۰٦ رتیق آلب سلسله سی،تدا ایتالیا ایله اسویچره آره سنده وبعده آوستریانك تیرول خطه سی ایچنده غربدن شرقه ممتد اولوب، برنینا طاغندن (درایهر نسپیج) طاغنه قدر ٣٣۰ كیلومتره در. (اورتلر سپیج) طاغی ٣٩۰٧ متره. (آداملو) طاغی ٣٥٥٦ متره. (رخن) بوغازی ١٤٤٥ متره. (برنر) بوغازی ١٤٢۰ متره. (درایهر نسپیج) طاغی ٣٥٨٥ متره. ۰٧ قارنیق آلب سلسله سی آوستریا ایله ایتالیانك وندیك خطه سی آره سنده غربدن شرقه ممتد اولوب، درایهر نسپیج طاغندن (ترغلو) طاغنه قدر ١٨۰ كیلومتره‌ در. (توبلاخ] بوغازی ١٢٢٤ متره. (تارویس) بوغازی ٨١٤ متره. (ترغلو) طاغی ٢٨٦١ متره.

وكرك فرانسه، ایتالیا وآوستریاده بولنان متعدد كوللرك منظرۀ مینافامی آلپ طاغلرینه شایان تماشا وجالب حیرت بر حال قزایریور. آلپ سلسله سنك مبدىٔی یعنی آلپ ایله آپنن سلسله لرینك محل التصاقی حقنده اختلاف واقع اولوب، اكثریا (سان بر ناردو) بوغازی مبدأ اتخاذ اولنیور، كه محل مذكورده سلسلتینك ارتفاعی ١۰۰٦متره یه قدر تنزل ایدیور. اورادن باشلایه رق شرق طرفنده كی منتهاسنه قدر آلپ طاغلری ٨ سلسله یه منقسم اولور، كه بو سلسله لردن هر برینك طولی وهر برنده بولنان ذروه وبوغازلرك ارتفاعی بر وجه زیر بیان اولنور:

۰١ ساحلی آلب سلسله سی ایتالیا ایله فرانسه آره سنده جنوبدن شماله ممتد اولوب، (سان برناردو) بوغازندن (ویزو) طاغنه قدر ١٩۰ كیلومتره در. (تنده بوغازی) ١٧٩٥ متره. (آنشاسترای) طاغی ٢٩٧١ متره. (آرژانتیره) بوغازی ٢۰٣١ متره. (آنیلو) بوغازی ٣٢٤٥ متره. (ویزو) طاغی ٣٨٤۰ متره.

۰٢ قوتیان آلب سلسله سی ینه ایتالیا ایله فرانسه آره سنده جنوبدن شماله ممتد اولوب، (ویزو) طاغندن (مونت سنیس) ە قدر ١٦۰ كیلومتره در. (ژنوره) طاغنك بوغازی ١٨٦٥ متره. (مونت سنیس) ده ناپولیون طریقنك اك صرتفع محلی ٢۰٦٦ متره. دمیر یول تونلی ١٣٥٥ متره.

۰٣ غره آلب سلسله سی ینه ایتالیا ایله فرانسه آره سنده جنوبدن شماله ممتد اولوب، مونت سنیسدن (مونت بلانق) ە قدر ١۰۰ كیلومتره در. (لاوانه) ذروه سی ٣٧۰ متره. ((بیوك قاصه)) ذروه سی ٣٨٨٣ متره. ((كوچك سنت برنارد)) چكیدی ٢١٧٧ متره.

(نوریق) آلب شعبه سنده (غروس غلوقز) طاغی ٣٧٩٥ متره. شعبۀ مذكوره ده (سمرینغ) بوغای ٨٨١ متره. ۰٨ یولیا آلب سلسله سی آوستریانك (قارنیوله) ایله (استریا) خطه لری آره سنده شمال غربیدن جنوب شرقی یه ممتد اولوب، ترغلو طاغندن (بیتواری) طاغنه قدر ٣٦۰ كیلومتره در. (اشنیرغ) طاغی ١٨٣١ متره. (پردیل) بوغازی ١١٦٨ متره. (آدلشبرغ) بوغازی ٥٢۰ متره. بو جدولدن آكلاشلدیغی اوزره، ایتالیا ایله ساىٔر اوروپا آره سنده بر سد سدید حكمنده اولان وآلمانیا ایله آق دكیز آره سنه‌ حاىٔل اولان آلپ سلسله سی بر دوزی یه كیتمیوب، بر چوق یرلرنده بر طاقم بوغازلر وچكیدلر تشكیل ایدیورسه ده،‌ بونلرك ده حال طبیعیلری مرور وعبوره پك مساعد اولمیوب، دهشتلی اوچوروملری‌ واردر، آنجق بر قاچی انسان الیله آرابه ایله چكیله بیله جك حاله قونلمشدر. دمیر یوللرك اختلاطنه دخی مانع اوله میوب، بر قاچ یرندن شمندوفر خطی اوستدن وایكن یرده دخی‌ آلتلرندن چكیور، كه بونلرده (مونت سنیس) ایله (سنت غوتارد) تونللری اولوب، مدنیت حاضره نك موفقیات خارقه سندن معدوددرلر. آلپ طاغلرینك حاوی اولدقلری اراضی ارتفاع وهوا ومحصولاجه اوچ صره یه تقسیم اولنه بیلیر: برنجی صره باغك یتیشه مدیكی ارتفاعدن یعنی جنوب طرفنده ٧۰۰ و ٧٥۰ وشمال طرفنده ٥۰۰ و ٥٥۰ متره لك ارتفاعدن باشلایه رق، ١٣۰۰ ونهایت ١٥۰۰ متره لك ارتفاعه قدر ممتد اولان آلچق طاغلر وطاغ اتكلریله بایر ودوره لردر، كه غایت كوزل ودلنشین یرلر اولوب، بو صره ده حبوباب متنوعه ایله اشجار مثمره واورمان آغاجلرینك انواعی یتیشیر؛ وجسیم شهرلر یوغیسه ده،غایت كوزل كوچك قصبه لر وقریه لر وپك مفرح كوشكلر وصیفیه لر بولنیور. ایكنجی صره برنجی صره نك بیتدیكی یردن باشلایه رق، ٢٧۰۰ متره لك ارتفاعه قدر چیقار، واقالیم بارده یه مخصوص چام كبی بعض آغاجلری دخی وار ایسه ده، باشلیجه مرعالرله مستوردر. بو مرعالرك اوتی هر نه قدر قیصه وسیرك ایسه ده، حیوانات

حقنده غایت نافع اولوب، اورالرده اوتلایان حیواناتك ات وسوتیله سوتدن حاصل اولان پینیر ویاغ كبی محصوللری بینظیردر. بو صره نك آشاغی طرفلری صیغیره ویوقاریلری یالكز قویونه مخصوص اوله رق، كلیتلی حیوانات بسلنیور؛ وشهر وقریه بولنمیوب یالكز چوبان قلبه لری بولنیور. اوچنجی صره ایكنجی صره نك بیتدیكی یردن باشلایه رق اك یوكسك ذروه لره قدر قارله مستور اولان محللری حاویدر، كه بونده حیوان ونبات بولنمیوب، آنجق یاز قیش اكسیك اولمیان قارلر تولید ایتدكلری متعدد نهرلرله اوروپانك اكثر طرفلرینی سقی واحیا ایدیور.