Alava - آلاوه

اسپانیاده (باسق) قومنه منسوب اهالی ایله مسكون اولان اوچ ایالتك بری اولوب، (ابرو) نهریله پیرنه طاغلرینك جنوبی ماىٔله سی آره سنده واقعدر. مركزی قورودلمش وقریه وقصبه لرله معمور اولمش بر اسكی كولك موقعندن عبارت اولوب، ْ٤٣ عرض شمالی خط موهومی حدود شمالیه سنك برآز ایچندن چكر، ومركزی ً٥٤ َ۰ ْ٥ طول غربیده بولنیور. مساحۀ سطحیه سی ٣۰٤٤ مربع كیلومتره اولوب، ٣ قضایه منقسمدر. مركزی (ویتوریا) شهری اولوب، دیكر قصبه لریدر. بو ایالتك اكثر طرفلری طاغلق اولوب، شمال جهتنده كی پیرنه سلسله سندن بشقه غرب طرفنده دخی بو سلسله دن آیریلوب جنوبه طوغری اوزانان بر یوكسك طاغ بولنیور؛ یالكز جنوب جهتی بر آز دوزدر؛ وطاغلردن اینن متعدد دره لرك اجتماعندن حاصل اولان (رادورا) نهری او جهتده آقوب، وادیسی غایت كوزل اولمغله، ایكی طرفی كوشكلر وباغچه لرله مزین اوله رق، غیر منقطع بر قصبه كبیدر. شمال و غرب جهتنده كی طاغلری صرب اولوب، چكیله بیله جك یالكز بر بوغازی واردر. كه (پویٔرتا ده آلوان) نامیله معروف اولوب، جاده ودمیر یول اورادن چكر. محصولاتی آز اولوب، باشلیجه كتن وكنویردن عبارتدر، كه محلنده احتیاجات اهالی یه كوره بعض منسوجات اعمالنه یاریور. طاغلرك اورمانلری اتلاف

اولنمش ایسه ده، كوزل مرمرلری، دمیر، باقیر وكمور معدنلری، معدن صولری وایلیجه لری پك چوقدر اهالیسی كوندن كونه تزایدده اولوب، ١٨٨٥ ده ٧١۰۰۰ نفوسدن عبارت بولنمش ایكن، ١٨٧٢ ده ٤٧۰ ٩٨ كشی یه بالغ اولمشدر. اهالینك اكثریسی (باسق) قونیه منسوب اولوب، سیما واختلاقلری بوكا دلالت ایدیورسه ده، یالكز طاغلرده لسان ملیلریله متكلم اولوب، قصبه لرده اسپانیولجه سویلنمكده در. موقعلری اقتضاسنجه، بونلر اسكیدن بری كندی استقلاللرینی محافظه ایده رك، حكومت اسلامیه زماننده بر نوع امتیازات محافظه ایتمش اولدقلری كبی، بعده تشكل ایدن اسپانیا خرستیان دولتلرینه دخی تمامیله مطیع اولمیوب، تا اسپانیانك مشروطیتنی تأمین ایدن قانون اساسی اعلان اولنجه یه قدر، امتیازله اداره اولنمشلردر.