Akça Hisar ~ آقچه حصار
Kamus-ul'Alam - Akça Hisar ~ آقچه حصار maddesi. Sayfa: 257 - Sira: 12
Akça Hisar - آقچه حصار
اشقودره ولایت وسنجاغنده قضا مركزی بر شهر اولوب، یوكسك بر طاغه طیانمش غایت صرب وطبیعی اوله رق مستحكم بر تپه نك اوزرنده، و وندیك كورفزی ساحلندن ٢۰ قدر كیلومتره لك مسافه ده در. آقار صولری وچشمه لری پك چوق اولمغله، اصل اسمی ١٧
آرناؤدجه ((چسمه)) دیمك اولان (قرویا) در. حذای بحردن ٦۰٤ متره ارتفاعنده اولوب، دوز بر اووه نك اوستنده بولنمغله، منظره سی غایت كوزل اولوب، اطرافنده پك واسع یرلر كورینور. قبل الفتح آرناؤدلقده حكم سورمكده بولنمش اولان پرنسلردن (یان قاستریوتی) نك مقری اولوب، پك متین استحكاماتله مستحكم ایدی، كه مؤخراً مومی الیهك اوغلی اسكندر بك قرق سنه امتداد ایدن محارباتنده دفعاتله بو قلعه نك ایچنه تخصن ایتمشیدی. قلعه ١٢٤٨ تاریخ هجریسنده رشید پاشانك امریله هدن اولنه رق، خرابه لری ایچنده ٨۰ خانه ایله ایكی جامع شریف بولنیور. شهرك ساىٔر خانه لری تپه نك اوستنده كی طاغك اتكنده طاغنیق حالده اولوب، اهالیسی كافةً مسلمان اولمق اوزره ٧٥۰۰ كشیدی.
Kamusul Alam, Şemseddin Sami; Kamusul Alamde Akça Hisar maddesi. osmanlıcada Akça Hisar ne demek, Akça Hisar anlamı manası, Akça Hisar osmanlıca nasıl yazılır. Osmanlıca sözlükte Akça Hisar hakkında bilgi. Arapça Akça Hisar ne demek. Arapça osmanlıca sözlük. Farsçada Akça Hisar anlamı
Kamusul Alamde - آقچه حصار Akça Hisar maddesi. Şemseddin Sami, Kamusul Alam Ansiklopedisi