Ak bıyık - آق بييق

سلطان مراد خان ثانی حضرتلرینك دور سلطنتلرنده ظهور ایدن مشاهیر اولیاء اللهدن اولوب، قاتح سلطان محمد خان ثانی حصرتلرینك دورنده دخی برحیات ایدی؛ حتی استانبول فتحنده دخی آق شمس الدین حضرتلریله

برابر معیت پادشاهیده بولنوب، پایتختك معلوم اولان بر محله سی تبركاً اسم شریفلریله تسمیه اولنمشدر. مشارالیه حاجی بیرام ولی حضرتلرینك خلفاسندن ایكن، خلوت اثناسنده مال وثروت آرزوسنی بروجهله فكر وكوكلدن چیقاره مد یغندن، هر نه قدر شیخی ترك دنیایه تشویق ایدیوردیسه ده، ((الدنیا مزرعة الآخره )) حدیث شریفنه تمسك ایده رك، مال وثروته اولان محبتدن واز چكمدیكیچون، شیخك صومعه سندن طرد اولنمشیدی. دیشاری یه چیقار كن تاجی قپویه ایلیشوب باشندن دوشدیكیچون، بونی شیخنك كرامتنه حمل ایده رك، فیمابعده باشنه ب رشی كیمیوب، باش آچیق كزمش، وصاچنی اوزاتمشیدی. مجزوب وابدال اولدیغی حالده، بحكمةالله تعالی مال وثروتی كیتدكجه آرته رق، بروسه ده واسع بر بنا انشاسیله، كلوب چكن مسافرین وفقرایه طعام یدیرر، وآقچه وساىٔره ویرردی. بوحالیله برابر مولی علاألدین علی العربینك درسنه مداومت ایدوب تحصیل علم ایدردی. ارتحالنه قدر عمرینی بوصورتله‌ چكیره رك، ٨٦۰ تاریخلرنده ارتحال ایتمشدر. بروسه شهرنده الآن موجود آثار خیریه سی وتكیه سی اولوب، تكیه نك جوارنده كی تربه ده مدفوندر.