آقا محمد خان قاچار

Osmanlica ansiklopedi kamus alemde آقا محمد خان قاچار maddesi. Sayfa:253


Aka Muhammet Han Kaçar - آقا محمد خان قاچار

الحالة هذه ایرانده سلاله نك بانیسیدر. ایرانك شمال طرفلرنده یرلشمش اولان تركمن عشیرتلرندن (قاچار) عشیرتنه منسوب اولوب، پدری محمد حسن خان استرابادده بو عشیرتك رىٔیسی ایدی. سلالۀ صفویه نك انقراضنده ایران تختنی ضبط وایران حدودینی تا هندستان وبخاایه ر

قدر توسیع ایتمش اولان مشهور نادر شاهك یكنی وخلفی عادل شاه مومی الیه محمد حسن خانك ایكی اوغلنی اله چكیروب، بونلرك بیوكی اولان صاحب ترجمه آقا محمد خانی، ٨ یاشنده اولدیغی حالده، خادم ایتمشیدی. آقا محمد خان سرای پادشاهیده بیویوب، ایرانك نادر شاهك وففاتندن صكره كسب ایتمش اولدیغی حال اغتشاشی كوره رك، تا چوجقلغنده ذهننجه ایران حكمدارلغنی قورمشیدی. عادل شاهك وفاتنده آقا محمد آزاد اولوب، باباسی یاننه عودت ایتمشیدی. بر قاچ سنه صكره پدری نادر شاه سلاله سندن صكره تختی ضبط ایتمش اولان كریم خان طرفندن قتل اولنه رق، كندیسی دخی او آرالق پایتخت بولنان شیرازه آلنمش؛ وهر نه قدر كه كریم خانك سراینده معزز طوتیلوب، خان كندیسیله استشاره دخی ایدر دیسه ده، شیرازدن دیشاری چیقمسنه مساعده اولنمیوب، یالكز آره صره آوه كیتمكه مساعده سی وار ایدی. چوجقلغندن بری قورمش اولدیغی فكر یدرینك قاتللری اولان (زند) خندانی حقنده كسب ایتمش اولدیغی خصومتدن برقات دها قوت بوله رق، آقا محمد خان، اصلا رنك ویرمكسزین، بر فرصته منتظر ایدی. نهایت ١١٩٣ تاریخ هجریسنده كریم خانك خسته لندیغنی كوروب، اوله جكنی آكلامغله، ایرانده بر وقتدن بری هر حكمدارك وفاتنده وقوعی معتاد حكمنه چكمش اولان قاریشیقلقلردن استفاده امیدیله، آوه كیتمكی بهانه ایده رك، معیتنده بولنان اون یدی سواری یله شیرازدن چیقوب، بر قاچ كون ظرفنده مازندارانه واصل اولمش؛ وابتدا كندی عشیرتنی وساىٔر تركمن عشیرتلرینی بررصورتله كندینه جلب ایتدكدن صكره، استراباد ایرانك پك كنارنده بولندیغندن، وكیلان طرفلرنده دخی كووندیكی بر طاقم تركمن عشیرتلری بولندیغندن، طهرانه كیدوب، بو شهری مركز اتخاذ ایتمش؛ وچابوجاجق مازندران كیلان وآذربایجان طرفلرینی داىٔرۀ تصرفنه آله رق، عراق عجم وفارسه طوغری توسیع ممالكه حاضرلنیوردی. زند عاىٔله سنه مندوب اولان كریم خان نه قدر عادل ومرحمتلی بر حكمدار ایدیسه، اوغلی لطف علی خان دخی او قدر جسور ودكرلی بر كنج ایدیسه ده، پدرینك تختنه اوتورور اوتورماز، مربیسی ووزیری اولان حاجی ابراهیمی چكه میوب، بینلرنده

منافرت پیدا اولمش، وهر دیكرینك مزارینی قازمغه چالیشمقده بولنمشیدی. آقا محمد خان عراق عجمدن آشاغی تجاوز ایدنجه، لطف علی خان همان بالذات عسكر سوق ایده رك، آقا محمد خانك عسكرینی تار ومار ایتمش ایسه ده، حاجی ابراهیم شیرازده تحصن ایدوب، كنج حكمداری پایتختنه قبول ایتمدیكندن، كرمانه واورادن ده خراسانه قاچمغه مجبور اولمش؛ وبر وقت صكره، كرمانه عودتله، اوراده تحصن ایده رك، آقا محمد له محاربه یه طوتیشمش ایسه ده، آقا محمدك عسكری پك چوق اولدیغندن، شهری ضبط ایتمش؛ ولطف علی خان كوج حال ایله فرار ایتمكه موفق اولمشیدی. آقا محمد لطف علی خانی قاچیردیغنه حدت ایده رك، ساىٔر شهرلره دخی رقیبنی قبول ایتمنك تهلكه سنی كوستروب، عبرت اولمق اوزره، ایلك دفعه اوله رق، ظلم واعتسافنی اظهارله، كرمان شهرینی عسكرینه یغمان ایتدیرمش، وبتون نسوان واطلفالی اسیر ایدوب، عسكرینه طاغیتمشدر. نادر شاهك منسوب بولندیغی آفشار عشیرتی پك قوتلی اولدیغندن، آقا محمد خان بونلره قارشی قوت استعمال ایتمیه رك، حیله ایله رىٔیسلرینی جلب، وبر مدت صكره قتل ایتمش. شیرازده مستقل قالمش اولان حاجی ابراهیم دخی كدیسنه التجا ایتمكله، وزیرلكنه نصب ایتمش؛ وبو وجهله خراساندن ماعدا بتون ایرانی اله چكیرمشدر. كورجستان پرنسی (هراقلیوس) مقدما ایرانه جزیره ویرر كن، بو اغتشاشاتدن استفاده ایله، روسیه یه جزیه كذار اولمش اولدیغندن، آقا‌مان محمد خان او طرفه ده عسكر سوق ایده رك، مظفر اولمش، وعودتنده ١٢١۰ تاریخنده باشنه تاج قویوب،‌ایران حكمدارلغنی اعلان ایتمشدر. قرداشلرندن اوچی كندیسنه امنیت ایده میه رك، ایرانك خارجنه قاچمشلردی. یاننده قالمش، وخیلی معاونت بیله ایتمش اولان جعفر قولی یی قتل ایتدیرمش؛ ویكنی باباخانی ولی عهد ایتمش ایدی. شاه اسماعیل صفوینك اعلان ایتمش اولدیغی مذهب شیعی یی نادر شاه تعدیل ایده رك، مذهب جعفری نامیله سنیلكی‌ اعاده ایتمشیكن، آقا محمد شیعیلرك محبتنی قزانمق ایچون، سلالۀ صفویه نك جد اعلاسی اولان شیخ صفی الدینك تربه سنده قلیج قوشانوب، مشهد امام رضایی زیارت وسیله سیله خراسانه عزیمتله،

اوراسنی دخی تحت اطاعته آلدی او سنه تكرار كورجستان سفرینه حاضرلنوب، یولده كیدركن، جزىٔی برقباحت ایچون اعدامله محكوم ایتمش اولدیغی ایكی خدمتجیسی طرفندن قتل اولنمشدر. آقا محمد خان قیصه بویلی، ضعیف، وخادم اولمق مناسبتیله، آق آغا كبی كوسه وبروشق چهره لی اولوب، غایتله چركین، وآنجق فوق العاده بر عقل وذكاوته مالك وحیله ودسیسه ده پك ماهر ایدی. ایتدیكی ظلملری ابدی حدتندن ایتمیوب، محضا ایشنی یوروتمك ایچون بالمجبوریه ایدردی. حب جاه وحستی فوق العاده ایدی. وفاتنده ٦٣ یاشنده اولوب، هر نه قدر عمرینك صوكنده تتوج ایتمش ایسه ده، فعلاً ٢۰ سنه حكمدارلق ایتمشدر. وفاتنده یكنی بابا خان تخته اوتوروب، نادر شاهدن صكره كیمسه نك جسرت ایتمدیكی شاهلق عنواننی آله رق، فتح علی شاه تسمیه اولنمشدر. فتح علی شاهدن صكره محمد شاه، ومحمد شاهدن صكره شمدیكی شاه ایران ناصر الدین شاه حضرتلری تخته چیقمشدر.

Kamusul Alamde Aka Muhammet Han Kaçar maddesi, آقا محمد خان قاچار osmanlica tarih ve cografya ansiklopedisi Aka Muhammet Han Kaçar nedir anlami. hakkinda bilgi



3 10 17 24 31 38 45 52 59 66 73 80 87 94 101 108 115 122 129 136 143 150 157 164 171 178 185 192 199 206 213 220 227 234 241 248 255 262 269 276 283