Azermi Duht ~ آزرمي دخت
Kamus-ul'Alam - Azermi Duht ~ آزرمي دخت maddesi. Sayfa: 178 - Sira: 5
Azermi Duht - آزرمي دخت
ملوك ساسانیه دن پرویزك قیزی اولوب، زمان سعادتده (چشیننده) نك سقوطندن صكره ایران تختنه اوتورمشدر. حسن وذكاوتیله مشهوره اولوب، ملكنی حسن اداره ایتمش، وحتی وزیر قوللانمیوب، بالذات رؤیت امور ومصالح ایتدیكی مرویدر. خراسان والیسی وایران كبراسنك اك نفوذلیسی بولنمش اولان فرخ بن هرمز اوغلی رستمی وكیل براقه رق، ملكه یه عرض عبودیت ایتمكه كیتدیكی صره ده، آزرمی دخنه عاشق اولوب، تزوج ایتمك ایستمش ایسه ده، آزرمی دخت بر ملكه بر زوجك تحت تحكمنه كیره مز، لكن مقصدی وصال ایسه، فلان كیجه كلسین دیه خبر كوندرمش؛ وفرخ اینانه رق، كیتدیكنده، امیر حرس یعنی مابین ضابطی معرفتیله قتل ایتدیرمشدر. فرخك
اوغلی رستم، پدرینك انتفامی دعواسیله، خراساندن مداینه عسكر سوق ایدوب، شهری ضبط وآزرمی دختی عقوبات شدیده ایله قتل ایتمشدر. بوندنصكره كسری بن حیس اجلاس اولنمشدر. مؤخراً سعد ابن وقاص حضرتلرینك عسكرینه قارشی حرب ایدن ایران عسكرینك قوماندانی بولنمش اولان رستم آزرمی دختك قاتلی اولان بو رستم بن فرخدر. _ بعض تاریخلرده (ارزمی دخت) دیه محرردر.
Kamusul Alam, Şemseddin Sami; Kamusul Alamde Azermi Duht maddesi. osmanlıcada Azermi Duht ne demek, Azermi Duht anlamı manası, Azermi Duht osmanlıca nasıl yazılır. Osmanlıca sözlükte Azermi Duht hakkında bilgi. Arapça Azermi Duht ne demek. Arapça osmanlıca sözlük. Farsçada Azermi Duht anlamı
Kamusul Alamde - آزرمي دخت Azermi Duht maddesi. Şemseddin Sami, Kamusul Alam Ansiklopedisi