Ahmed Izzet paşa - احمد عزت پاشا

اون ایكنجی قرن هجری اواخری وزراسندن اولوب، عن اصل كوتاهیه لی و كرمیان بكك نسلندن ایدی. باب علیدن یتیشوب، صدارت عظمی كتخداسی اولدقدن صكره، بر مدت نفی، و بعده اطلاقله، ترسانه و ضربجانه امینی اولمش؛ و ١١٨٤ تاریخنده مأموریتله مصره كوندریلوب، عودتنده ینه صدراعظم كتخدالغنه نصب اولنمشیدی. بكرش سرعسكری محمد پاشانك قتلی اوزرینه، یرینه سرعسكر اولوب، ابراز شجاعت و درایت ایتدیكندن، بر برینی متعاقب و دین، ارضروم و حلب والیسی، و بعده مدینۀ منوره محافظی اولمش؛ و ١١٩١ و قوعاتنده و ظیفه سنده قصوری كورلمكله، عزل و قدس متصرفلغنه نصب اولنمش؛ و ١١٩٣ ده حلب والیلكندن عزل، و اموالی مصادره اولنه رق، قدس متصرفلغنه اعاده، و صكره سلستره والیلكنه نصب اولنمش؛ و ١١٩٥ ده خوتین محافظی ایكن اوراده وفات ایتمشدر.