Andrinople ~ ادرنه
Kamus-ul'Alam - Andrinople ~ ادرنه maddesi. Sayfa: 8 - Sira: 4
Andrinople - ادرنه
دولت علیه‌ٔ عثمانیه‌نك روم ایلنده استانبهولدن صكره ایكنجی شهری اولوب،همنامی اولان ولایتك و ایكنجی اردوی همایونك مركزیدر. (تراكی) قطعه‌ٔ قدیمه‌سنك ارته‌سنده، ٢٦ الی ْ٤١ عرض شمالی ايله ْ ٢٤ ،٤٣ ، ١٦ طول شرقیده و استانبولك ٢٢٥ كیلومتره غرب شمالیسنده واقعدر. طونجه، مریج و آرده نهرلرینك محل تلاقیسی اولان كوزل بر موقعده‌مؤسس اولوب، مریج آرده ایله برلشدكدن صكره، شهرك غرب جنوبی كنارندن، و طونجه ایسه ایچندن كچر. جسیم، اولدقجه مزین و تجارتكاه بر شهر اولوب، ١١۰۰۰۰ اجهالیسی، ایكی قپالی چارشوسیله بر بدستانی،٦ بیوك و ١٦ قدر كوچك جامع شریفیله ٢٦ مسجدی،٢٢ مدرسه‌سی، اوچ بیك جلده قریب كتبی جامع بر كتابخانه‌سی،١٨ كلیساسی،١٢ خوراسی،٤٢ تكیه‌سی، بر خراب سرای همایونی، ٥ قشله‌سی، بری عسكری و بری ملكی ایكی مكتباعدادیسی،بر رشدیه‌ٔ عسكریه،٢ رشدیه‌ٔ
شهرك آره‌سنده ممنبد اولوب، ٧٥٨ متره طولی و ٨ متره عرضی واردر. ایكنجیسی سلطان بایزید خان ولی حضرتلرینك طونجه كنارنده بنا بیورمش اولدقلری جامع شریف ایله قصبه آره‌سنده واقع اولوب،پادشاه مشار الیه طرفندن انشا ایدلمش اولدیغی مرویدر. اوچنجیسی سلطان مصطفی خان ثالث طرفندن انشا بیورلمش اولان سراجخانه كوپریسیدر. دیكر ایكیسی دخی سرای همایونه منسوب مسیره‌نك ایكی جهتنده واقع اولوب،ابوالفتح سلطان محمد خان حضرتلرینك انشا كرده‌لریدر. مریج اوزرنده‌كی ایكی كوپریینك دخی اك بیوكی اولان (یكی كوپری) سلطان محمود خان ثانی حضرتلری طرفندن باشلانوب، جنتمكان سلطان عبدالمجید خانك زمان سلطنتلرنده اكمال اولنمشدر. دیكری اولان (اسكی كوپری ) دخی اتمكجی احمد پاشا اسمنده بر صاحب خیرك اثریدر. ایكی چارشودن (علی پاشا چارشوسی) دینلنی شهرك و سطنده واقع اولوب، بیوك و معمور اولمغله، ٢١٦ دكانی حویدر، و ٦ قپوسی واردر. دیكری اولان (آراسته)چارشوسنك حاوی اولدیغی ١٢٤ دكاندن بر مقداری خرابدر، و دیكرلرنده خفاف اصنافی اقامت ایتمكده‌در. ادرنه شهرنده یوك وایپك و پاموقدن كوزل بعض منسوجاتله كلیم و سائریاپیلیر. دباغخانه‌لری چوقدر. بعض كل صویی فابریقه‌لری دخی واردر. اخیراً دمیر یوللرك انشاسی اوزرینه، بر طرفدن درسعادتله و دده‌آغاج اسكله‌سیپله و بر طرفدن دخی آورو پاایله كسب ارتباط ایتمسی ادرنه‌نك اهمیت تجاریه‌سنی بر قات مدها آرتیرمشدر. ادرنه شهری پك اسكی اولوب، قدیماً (اورتیاس) اسمیله عادتا بر قصبه ایكن، ایكنجی قرن میلادیده روما ایمپراطورلرندن (آدریان) طرفندن توسیع و تزیین اولنمغله، بونك اسمیله (آدریانوپولیس) تسمیه اولونمشدر،كه (ادرنه ) اسمی بونك محرف و مخففیدر. ٧٦٣ تاریخنده خداوندكار غازی حضرتلرینك زمان سلطنتلرنده لالا شاهین پاشا یدیله فتح اولنمش؛ و درت سنه صكره پادشاه مشار الیه، چرمن فتحندن عودت همایونلرنده، بو شهری ایكنجی پایتخت اتخاذ بیورمغله، استانبولك فتخنه‌دك ٩۰ سنه پایتخت دولت عثمانیه بولنمشدر.كرك بو مدتده و كرك بعده سلطنت عثمانیه زماننده ادرنه شهری خیلی توسیع تزیین اولنمشدر. پایتخت بولندیغی مدتده ارتخال ایدن پادشاهانك جنازه‌لری بر وسه‌یه نقل اولندیغندن، ادرنه‌ده یالكز بر قاچ شهزاده و سلطان تربیه‌لریله غازی
میخال كبی بعض عزاتك و اولیا و مشایخ و علمادن بر چوق مشاهیرك تربیه‌لری بولنیور. كرك روما و بیزانس دولتلری و كرك دولت عثمانیه زماننده ادرنه‌ده بعض بیوك محاربه‌لر وقوع بولمشدر.
Kamusul Alam, Şemseddin Sami; Kamusul Alamde Andrinople maddesi. osmanlıcada Andrinople ne demek, Andrinople anlamı manası, Andrinople osmanlıca nasıl yazılır. Osmanlıca sözlükte Andrinople hakkında bilgi. Arapça Andrinople ne demek. Arapça osmanlıca sözlük. Farsçada Andrinople anlamı
Kamusul Alamde - ادرنه Andrinople maddesi. Şemseddin Sami, Kamusul Alam Ansiklopedisi