İbrahim Bin Haccac - ابراهیم بن حجاج

حكومت اسلامیه زماننده اندلسك اشبیلیه شهرنده اعلان تفردله بنی حجاج امارتنی تأسیس ایدن عبدالله بن حجاجك برادری اولوب، برادری مرقوم عبداللهك قتل اولنمسی اوزرینه، یرینه كچمش، و عصیان ایدن بنی خلددون و بنی حجاجك اولادینی رهن صورتیله توقیف ایدرك، قتل ایله تهدید ایتدیكندن، مرقوملر عرض اطاعت ایتمشلرسه ده، اولادلرینی تخلیص ایتدكدن صكره، یكیدن اعلان عصیانله كندیسنه قارشی محاربه یه كیریشدكلرندن، ابراهیم كندی اهل و عیالنی كندیسی قتل وماملكنی احراقله، صوك نفسنه قدر مقاومت ایدوب، نهایت قتل اولنمشدر.