Ebanan ~ ابانان
Kamus-ul'Alam - Ebanan ~ ابانان maddesi. Sayfa: 524 - Sira: 4
Ebanan - ابانان
جزیره العربده ایكی طاغدر، كه اشعار عربده كثرتله مذكور اولوب، بر روایته كوره برینه (ابان ابیض) و دیكرینه (ابان اسود) دیرلر، وبرنجیسنده صو وخرما آغاجلری چوق اولوب، (اكره) اسمیله دخی معروفدر، و اطرافنده (بنی فرازه) و (بنی عبس) قبیله لری ساكندر؛ و ایكنجیسی ایسه یالكز (بنی فرازه) قبیله سنك مسكنیدر. ایكیسی بیننده كی مسافه ایكی میل اولوب، آره لرنده (وادی الرمه) كچیور؛ و ایكیسنك دخی ذروه لری سیوریدر. دیكر بر روایته كوره، بو طاغلردن یالكز برینك اسمی ابان ودیكرینك (شروری) اولوب، قمران و عمران دنیلدیكی كبی، بونلرك ده ایكیسنه ابانان دنیلمشدر. دیكر بر روایته كوره ده بو اسم تثنیه اوله رق وضع اولنوب، مفردی غیر مستعملدر. بعضلری ده بو طاغلرك بحرینده بولندیغنی ذكر ایتمشلردر.
Kamusul Alam, Şemseddin Sami; Kamusul Alamde Ebanan maddesi. osmanlıcada Ebanan ne demek, Ebanan anlamı manası, Ebanan osmanlıca nasıl yazılır. Osmanlıca sözlükte Ebanan hakkında bilgi. Arapça Ebanan ne demek. Arapça osmanlıca sözlük. Farsçada Ebanan anlamı
Kamusul Alamde - ابانان Ebanan maddesi. Şemseddin Sami, Kamusul Alam Ansiklopedisi