Vald'Andorre ~ آندوره وادیسی
Kamus-ul'Alam - Vald'Andorre ~ آندوره وادیسی maddesi. Sayfa: 425 - Sira: 5
Vald'Andorre - آندوره وادیسی
وادیسی فرانسه ایله اسپانیانك آره سنده مستقل بر كوچك یردر. كه (پیرنه) سلسلۀ جبالنك اسپانیایه ناظر اولان ماىٔله سنده واقع اولوب، شمالاً سلسلۀ جبالك صرتیله فرانسه نك (آریاژه) ایالتندن آیرلمش. وجنوباً اسپانیانك قطالونیه خطه سنده واقع (سردانیه) ایالتیله محدوددر. شمالدن جنوبه اولان بویی ٣۰ كیلومتره قدر اولوب، اكی بوندن آزجه در. َ٢٦ ْ٤٢ ایله َ٣٩ ْ٤٢ عرض شمالی آره سنده
اولوب، وسطی َ٤٦ ْ۰ طول غربیده واقعدر. مساحۀ سطحیه سی ٦۰۰ مربع كیلومتره، و اهالیسی اون اون ایكی بیك كشی قدردر : اراضیسی طاغلق، صوىٔوق و آز منبت اولوب، اطرافی یوكسك شاهقه لرله محاطدر، جنوب طرفندن (بالیره) نهرینك جریاننه یول ویرن بر بوغازی واردر، كه قپوسی حكمنده در. مركزی (آندوره ویایا) یعنی ((اسكی آندوره)) اسمنده بر قریه در. بر دمیر معدنیله بر قاپلیجه سی دخی واردر. اهالیسی قتولیك اولوب، قطالونیه یه مخصوص بر نوع اسپانیولجه ایله متكلمدرلر. بو وادینك اهالیسی بر طرفدن فرانسه نك حمایه سنی وبر طرفدن دخی اسپانیانك (اورجل) شهری پسقپوسنك ریاستنی طانیوب، فرانسه یه سنوی ٩٦۰ ، و مرقوم پسقپوسه ٤٢٥ فرانق ویر كی ویررلر. كندیلری متنخب بر مجلس و ایكی محكمه معریتیله ادارۀ مملكت ایدرلر. بو وادینك بو صورتله استقلالی بش آلتی عصردن بری مرعیدر.
Kamusul Alam, Şemseddin Sami; Kamusul Alamde Vald'Andorre maddesi. osmanlıcada Vald'Andorre ne demek, Vald'Andorre anlamı manası, Vald'Andorre osmanlıca nasıl yazılır. Osmanlıca sözlükte Vald'Andorre hakkında bilgi. Arapça Vald'Andorre ne demek. Arapça osmanlıca sözlük. Farsçada Vald'Andorre anlamı
Kamusul Alamde - آندوره وادیسی Vald'Andorre maddesi. Şemseddin Sami, Kamusul Alam Ansiklopedisi