Alvar ~ آلوار
Kamus-ul'Alam - Alvar ~ آلوار maddesi. Sayfa: 346 - Sira: 7
Alvar - آلوار
(و انكلیز جه) هندستانك شمال غربیسنده انكلتره دولتنك حمایه سی آلتنده بولنور بر كوچك حكومتله بونك مركزی اولان بر شهردر. شهر دهلینك ١٥٦ كیلومتره جنوب غربیسنده و َ٣۰ ْ٢٧ عرض شمالی ایله ْ٧٤
َ٤۰ طول شرقیده واقع اولوب، اون بش یكرمی بیك اهالیسی واردر. بو شهر كوزل بر سور ایچنده و هر طرفی اورمانلر وباغچه لرله محاط اولوب، غایت كوزل بر منظره سی واردر. _ آلوار پرنسلكی دهلینك جنوبنده، (بهارتپور) ایله (جایپور) پرنسلكلری و انكلیزلرك النده بولنان (كوركاون) ایالتی آره سنده اولوب، شمالدن جنوبه اولان طول وسطیسی ١۰۰ ویا ١١۰ شو عرض وسطیسی ٦٥ كیلومتره در. مساحۀ سطحیه سی ٩٢٥ مربع كیلومتره اولوب، تقریباً ۰۰۰ ٤۰۰ اهالیسی واردر. اراضیسی كوزل اولوب، مركزی اولان (آلوار) دن بشقه راجكر، تیجاره، یانكر، كویندكر وماچری قصبه لری واردر، كه بونلرك اخیری مقدما راجه نك مقری ایدی. وارداتی اون ملیون فرانق قیمتنده اولوب، راجه انكلتره حكومتنه جزىٔی بر ویر كی ویریور.
Kamusul Alam, Şemseddin Sami; Kamusul Alamde Alvar maddesi. osmanlıcada Alvar ne demek, Alvar anlamı manası, Alvar osmanlıca nasıl yazılır. Osmanlıca sözlükte Alvar hakkında bilgi. Arapça Alvar ne demek. Arapça osmanlıca sözlük. Farsçada Alvar anlamı
Kamusul Alamde - آلوار Alvar maddesi. Şemseddin Sami, Kamusul Alam Ansiklopedisi