Alberoni ~ آلبرونی
Kamus-ul'Alam - Alberoni ~ آلبرونی maddesi. Sayfa: 294 - Sira: 9
Alberoni - آلبرونی
ایتالیالی بر قاردینال اولوب، ١٦٦٤ ده طوغمش، و ١٧٥٢ ده ٨٢ یاشنده وفات ایتمشدر. ایتالیا محاربه سی اثناسنده (وندوم) دوقه سنك مجتنی قزاوب، معیتنده فرانسه واسپانیایه كیتمش؛ واسپانیا قرالی بشنجی فلیپه دخی انتسابله، پارمه دوقه سی طرفندن مادرید سفیری اولنجه، مذكور دوقه نك حفیده سی (الیزابته) یی بشنجی فلیپه تزویجله، اسپانیاده بیوك بر نفوذ قزانمش، وكندیسنه ده پك چوق اییلك ایتمش اولان پرنسس (اورسین) ی تبعیده موفق اولمشیدی. یكی قرالیچه كندیسنی اسپانیانك باش وكالتنه قدر چیقارمغله، آلبرونی اسپانیا حقنده بر طاقم بیوك تشبثاته كیریشوب، بشنجی فلیپی فرانسه تختنه اوتورتمق ایستمش ایسه ده، فرانسه ده ناىٔب حكومت بولنان (اورلیان) دوقه‌سی انكلتره وآوستریا ایله بالاتفاق، اسپانیایه اعلان حرب ایتمش، وغالبیته ناىٔل اولمغله، قاردینال آلبرونینك اسپانیادن طردی شرطیله صلحی قبول ایتمشدر. آلبروتی اسپانیادن چیقارلدقدن صكره، برمدت شهردن شهره كزوب، بعده رومایه كیتدیكنده، پاپا طرفندن تحت محاكمه یه آلنه رق، درت سنه برمناستره حبس اولنمش ایسه ده، ١٧٢٣ ده قاردیناللق كندیسنه اعاده اولنه رق، وفاتنه قدر روماده پاپالق ایشلرنده اجرای نفوذ ایتمشدر.
Kamusul Alam, Şemseddin Sami; Kamusul Alamde Alberoni maddesi. osmanlıcada Alberoni ne demek, Alberoni anlamı manası, Alberoni osmanlıca nasıl yazılır. Osmanlıca sözlükte Alberoni hakkında bilgi. Arapça Alberoni ne demek. Arapça osmanlıca sözlük. Farsçada Alberoni anlamı
Kamusul Alamde - آلبرونی Alberoni maddesi. Şemseddin Sami, Kamusul Alam Ansiklopedisi