Agrigente ~ آغريجنته
Kamus-ul'Alam - Agrigente ~ آغريجنته maddesi. Sayfa: 229 - Sira: 7
Agrigente - آغريجنته
سیچلیانك ساحل جنوبیسنده اسكی وبیوك بر شهر ایدی، كه الیوم خرابه لرینك یاننده (جیرجنته) دنیلن بر كوچك قصبه بولنیور. بو شهرك معابدی چوق وجسیم اولوب، مصنع هیكللرله وتز-
یینات معماریه ایله ایدی. قبل المیلاد ٥٨٢ تاریخلرنده تأسیس اولنوب، بر چوق وقت جمهوریتله اداره اولندقدن صكره، بر طاقم ظالم حكمدارلرك الینه دوشمش، وبعده سیراقوسه لیلرك ضبطنه چكمش ایدی. قبل المیلاد ٤۰٦ تاریخنده قارتاجلیلر طرفندن ضبط وتحریب اولنمش ایسه ده، متعاقباً قورتلمش؛ و ٢١۰ تاریخنده رومالیلرك ید ضبطنه چكوب، سیچلیا ایله برابر رومالیلردن صكره عربلرك الینه چكه رك، خیلی وقت ممالك اسلامیه داىٔره سی داخلنده بولنمش، وبعده نورمانلر، فرانسزلر، آراغونیالیلر وناپولی حكومتی اداره سنه چكمشدر.
Kamusul Alam, Şemseddin Sami; Kamusul Alamde Agrigente maddesi. osmanlıcada Agrigente ne demek, Agrigente anlamı manası, Agrigente osmanlıca nasıl yazılır. Osmanlıca sözlükte Agrigente hakkında bilgi. Arapça Agrigente ne demek. Arapça osmanlıca sözlük. Farsçada Agrigente anlamı
Kamusul Alamde - آغريجنته Agrigente maddesi. Şemseddin Sami, Kamusul Alam Ansiklopedisi