Arnavud - آرناؤد

ممالك عثمانیه دن روم ایلینك یعنی بلقان شبه ‌جزیره سنك غرب طرفلرنده ساكن بر قومدر. ((آرناؤد)) كلمه سنك رومجه ((آروانیت)) كلمه سندن تحریف ایدلمش، وبونك ده آرناؤدلر عندنده مستعمل اولان ((آربان)) كلمه سندن آلنمش اولدیغی بیان ایتدی ایدك [((آربان )) و ((آربانیا)) ماده لرینه مراجعت بیوریله.] بوقوم تاریخك ضبط ایده مدیكی پك اسكی برزماندن بری بالقان شبه جزیره سنده ساكن اولوب، دفعاتله كندینی كوسترمش، واسكی یونان اولوب، دفعاتله كندینی كوسترمش، واسكی یونان وروما ایله مناسباتده بولنمش ایسه ده، داىٔما متفرق یاشامش، وساىٔر اقوام واممله قاریشیق صورتده ظهور ایدوب، هیج بر وقت اتحاد ولسان ملیسنی كوستره بیله جك بر صورتده كورنمه مش اولدیغندن، یقین وقتلره قدر مجهول بر حالده قالمشیدی. اوروپا مورخلرینك كیمی بونلرك یقین وقتده قافقاسیه ده كی (آلبانیا) یعنی داغستاندن كلمش اولدقلرینه، كیمی اسلاو اقوامی جمله سندن بونلدقلرینه، كیمی یونانیلرك حالت وحشیۀ اصلیه سنده قالمش بر شعبه سی اولدقلرینه ذاهب اوله رق، هر بری حقیقتدن پك اوزاق بر ملاحظه ده بولنمش؛ وبزم مورخلرك بعضیسی ده كندیلرینی عربستاندن كلمش ‌بر عرب قبیله سی فرض ایتمشلردی. واقعا، لسانلرنده اسكی یونان ولاتین واسلاو لسانلریله مشابه ویامشترك كلمه لر بولندیغنی بیلیرلردی، لكن بو كلمه لری اولسانلردن مأخوذ ظن ایدرلردی. نهایت بعض اوروپا محققلری آرناؤد لساننه واقف اولنجه، بولسانك اسكی یونان، لاتین، اسلاو، غوط، فارسی وسانسكری لسانلریله نه درجه لرده مناسبتی اولدیغنی آكلایه رق، ولسانی اساس اتخاذ ایدوب، تاریخلری دخی قاریشدیره رق، آرناؤد قومنك اصلنی ونره دن كلوب، نه اولدیغنی آكلامشلردر. عصرلرجه بر معما حلنده

قالمش اولان بو مسىٔله آرتق تمامیله حل اولنوب، آرناؤد قومنك (آریا) دنیلن آسیا واوروپا اممی زمره سنك اك قدیم شعباتندن بر شعبه اولدیغی تحقق ایتمشدر. بر طرفدن اسكی یونان، لاتین، اسلاو، وجرمن لسانلریله وبناءً علیه بو لسانلردن منشعب اولان بتون اوروپا السنۀ جدیده سیله وبر طرفدن دخی فارسی وزند وسانسكری لسانلریله مناسبت ومشابهتی اولان آرناؤدجه كلمه لری صایمق اقتضا ایتسه، بحث پك اوزار،واكثر قار ىٔلرمز ایچون، ایكی مجهولی مقایسه دیمك اوله جغندن، ملالی موجب اولور. دیه بیلیرزكه آرناؤد لساننك اشتقاقاتی حاوی برلغات كتابی یاپلسه، بو صایدیغیمز لسانلرك بری ویا بر قاچیله مناسبتی ظاهر اولمیه جق كلمه لر پك آز قالیر؛ حالبوكه بو كلمه لرك بشقه بر لساندن مأخوذ اولدقلرینه حكم اولنه ماز؛ بالعكس پك چوق كلمه لر واردر، كه آرناؤدجه ده اولان صورتلری اصل واسكی یونان ویا لاتین لساننده كی صورتلری ایسه فرع اولدیغی تبین ایتمشدر، كه بوده آرناؤد لساننك اسكی یونان ولاتین لسانلرندن دها اسكی، وآرناؤد قومنك دخی پك قدیم اولدیغنی كوستریور. بعض كلمه لر ده آرناؤدجه نك اوروپانك ساىٔر السنۀ آریانیه سنك جمله سندن زیاده فارسی وزند وسانسكمری لسانلریله مناسبت ومشابهتی اولمسی آرناؤد لساننك لاتین، یونان ویااسلاو شعبالری كبی بر شعبه یه منسوب اولمیوب، طوغریدن طوغری یه اسكی آریا السنه سی زمره سنه منسوب اولدیغنی، وبو قومك، ساىٔر اقوام قدیمۀ آریانیه كبی رأساً آسیای وسطیدن اوروپایه كلمش اولدیغنی اثبات ایدر دلاىٔلدندر. اوروپاده بولنان امم پك اسكی برزمانلرده، اقوای احتماله كوره، آسیای وسطینك بلخ وهرات طرفلرندن انفكاكله، بر طاقمی ماوراء النهر وروسیه، بر طاقمی ایران وآناطولی وبر طاقمی دخی قافقاسیه وقره دكیز سواحلی طریقلریله كروه كوه غربه طوغری هجرت ایتمش، واوروپانك هر طرفنه یایلمشلردر. آنجق بو هجرتلر بروقتده وقوع بولمیوب، آره لرنده پك اوزون فاصله لر واردر. اوروپای غربیده منتشر بولنمش اولان كلت قومنك اك اول كلن قافله لردن اولدیغی معلومدر. ایشته آرناؤدلرك دخی اوزمانلرده یعنی كلتلردن آز اول ویا صكره كلمش اولملری ملحوظدر. ذاتاً بینلرنده لسانجه وساىٔر بعض خصوصجه دخی مشابهتلری دركار

اولان بو ایكی قوم بردن ویاخود بربرینی متعاقب كلوب، كلتلر اوروپای غربیده، وآرناؤدلر آوروپای شرقیده توطن ایتمش؛ واوروپای شمالی یه ذخی مؤخراً توتونلر واسلاولر كلوب یر لشمشلردر. آرناؤدلرك او وقت اسم ملیسی (پلاسج) ویا (پلاسغ) ایدی، وبر روایته كوره، بو اسم آرناؤدجه ((اختیار)) و ((قدیم)) دیمك اولان (پلاق) كلمه سندن محرف اولوب، متأخرین طرفندن متقدمینه ویرلمشدر. هر حالده بو قوم اووقتلرده بلقان شعبه جزیره سنك هر طرفیله آناطولینك قسم غربیسنی احاطه ایدوب، مؤخراً‌‌ كلن هلنلر موره شبه جزیره سیله یونانك بر قسمنی پلاسجلرك الندن چیقارمشلر ایسه ده، بو كا بدل پلاسجلرك بر چوغی ایتالیایه چكوب، احتماله كوره، اوراده بو لدقلری ویاخود صكره كلن دیكر بر قومله قاریشه رق، لاتین قومنی تشكیل ایتمشلردر؛ یوناندن دخی پلاسجلر بسبتون چكلمیوب، طاغلرده واىٔولیا وآقارنانیا كبی كوشه وكنارلرده خالص وآیری یاشار بعض پلاسج كروهلری قالدقدن بشقه، هلنلرله دخی قاریشوب امتزاج ایدنلر پك چوقدر. پلاسجلر یعنی اسكی آرناؤدلر وجه آتی اوزره باشلیجه درت قسمه منقسم ایدیلر : ١، ایلیریانلر، كه یونان قدیمك حدودندن آدریاتیق كورفزینك منتهای

ولدیغندن، پلاسج دیمك ((اسكی آرناؤد)) دیمك اولدیغی تبین ایدیور. بو حالده، تاریخ طرفندن تكذیب اولنمقدن احتراز ایتمكسزین، وجنسیتجه منسوب بولندیغم بر قوم اولمغله، بیوتمك آرزوسنده بولندیغمه حمل اولنمیه جغندن امین اوله رق، دیه بیلیرم كه : آرناؤد قومی وقتیله تریسته دن سیواسه قدر آوروپا وآسیانك ایكی بیوك قطعه سنده ساكن بر بیوك قوم ایدی. آناطولیده وقتیله ایران، یونان، روماوساىٔر بیوك دولتلر ومتمدن امتر آره سنده ومختلف اجناسه منسوب فاتحلرك یدضبطنده قاله رق، پلاسجلر چوقدر منقرض ونایاب اولدقلری كبی، تراكیدن وما كدونیانك شرق جنوبی طرفندن وایلیریانك جهت شمالیه سندن یعنی بوسنه وهرسكدن دخی قرون وسطاده سیل بلا كبی آقوب هجوم ایدن بلغار واسلاولر طرفندن اخراج اولنه رق، ماكدونیا نك غرب جنوبی قسمیله ایلیریانك قسم جنوبیسنه یعنی شمدیكی آرناؤدلر ایلیریان وپلاسج دنیلدكلری زماندن بری اساساً اخلاق وعاداتلرینی كیشدیرمیوب، داىٔما اقوام متمدنه دن آیری ومنفرد وكوچك كوچك وبربرلرینه خصم قبیله لره منقسم بولنمش، واسترابونك تعریفنه باقیلیرسه، او وقتلرده دخی شمدیكی دبره واشقودره مالیسورلرینك سوردكلری عمری سورمكده بولنمشلردر. بونك ایچون هیچ بر وقت بر یره جمع اولوب، بر هیىٔت ودولت تشكیل ایتمك، ویا كندی لسانلرینی یازوب، بر ادبیاب ملیه اویاندیرمق فكرنده بولنمامشلردر. ایچلرندن یتیش بیوك آدملر دخی بر بشقه لسانله تحصیله واو لسانله معاملات دولیه ده بولنمغله مجبور اولور، وبو وجهله منسوب بولندقلری قومك شهرت وشاننه پك آز خدمت ایده بیلیرلردی. بو صورتله یشایشلری كرك لسانلرینی وكرك اخلاق وعاداتلرینی اسكی حاللرنده مخافظه ایدوب، بر كونه تبدله اوغرامامه لرینه سبب اولمشدر. آرناؤدلر اسكیدن بری قبیله قبیله كندی رؤسالریله اختیار مجلسلری معرفتیله اداره اولندقلرندن، مضبرط تاریخلری اولمیوب، معروف اوله رق یالكز اوچ دولت تشكل ایتمشیدی، كه بونلرك بری اشقودره طرفلرنده، بری اپیرده یعنی‌ یانیه طرفنده وبری ده كدونیانك یكیجۀ‌ واردار قربنده بولنمش اولان (پلا) ١۰

وقهر مانلری طوپلانوب، فریجیالیلردن معدود اولان (تروآ) حكمداری اوزرینه هجوم ایتدكلری وقت، ماكدونیا وتراكیدن كیمسه یونانیلره اشتراك ایتمك شویله طورسون، بوقطعه لردن تروآلیلره پك چوق امداد كیتمش اولدیغی تاریخله مشبتدر. ماكدونیا وتراكی وفریجیا اهالیٔ قدیمه سنك لسانلرندن تاریخلرده حفظ اولنمش اولان بعض اسملرك الیوم مستعمل اولان آرناؤدجه كلمه لرله مشابهتی كوریلور. ازآن جمله ابو المورخین هرودوت بالمناسبه فریجیا لساننده اكمكه (بوقس) دنیلدیكنی بیان ایدیور، كه بونك آخرندن هرودوت طرفندن ضم اولنمش بر ادات یونانی اولان (س) طی اولنجه، شمدیكی آرناؤدجه ده دخی اكمك دیمك اولان كلمه نك عینی اولدیغی تبین ایدر. ایلیریانلرله ماكدونیالیلرك برقوم واحد وبرلسانله متكلم اولدقلرینی میلادك برنجی عصرنده یاشامش اولان استرابون دخی صراحةً بیان ایده رك :

شهر قدیمنده ایدی. بو اوچنجی دولت ماكدونیا دولتیله معروف اولوب، تاریخی تمامیله مضبوطدر. [((ماكدونیا)) ماده سنه مراجعت بیوریله.] بو دولت فلیپك اوغلی اسكندر ذو القرنینك خروجی وتاهنده قدر او وقت معلوم ومعروف اولان اقطار عالمك همان كافه سنی فتح ایتمسی كبی خارق عاده دنیله بیله جك بر بیوك وقوعاتله كندینی بتون عالمه طانیتدیرمشدر؛ آنجق آرناؤدلرك احوال مبسوطه سندن طولایی، اسكندر دخی لسان یونانی ایله تربیه اولنوب، هرنه قدر فتوحاتی ایدن عسكرینك جمله سی ماكدونیالی اولدیغی كبی، كندیسی دخی اصلا ونسباً ولساناً ماكدونیالی اولوب، یونانیلرك پك محبی بیله اولمدیغی معلوم ایسه ده، اكثر خلق عندنده یونانی ظن اولنمشدر. اپیرده كی دولتك اك بیوك ومشهور حكمداری (پیروس) در، كه رومالیلری ایكی دفعه مغلوب، ویونان ومصره قدر توسیع غالبیت ایتمش ایسه ده، فتح ممالكدن زیاده غالبیته ناىٔل اولمغی سودیكندن، وفاتنده خلفلرینه پدرندن بولدیغی ملكدن زیاده برشی بر اقمامشدر. ایلیریا حكمدارلرندن دخی اك زیاده رومالیلرله محاربه ایدن (توتا) نام ملكه ایلك (كنچو) اسمنده كی حكمدار كسب شهرت ایتمشلردر. آرناؤدلر بیوك اسكندرك معیتنده عالم فتح ایتدكدن صكره، رومالیلره كردندادۀ اطاعت اولمغی قولای قبول ایده میه رك، او قدر معندانه مقاومت ایتمشلردی، كه اك نهایت قوتنك كثرتیله بونلری مغلوب ایدن (پول امیل)، اخذ انتقام ایچون، سكسان بش قصبه لرینی خاكله یكسان، وبر قاچ یوز بیك آدملرینی اسیر ایدوب، زنجیر بند اوله رق رومایه سوق ایتمشدر. ایشته او وقتدن بوقومك نكبتی باشلایه رق، برطرفدن رومالیلرك اطاعتی آلتنده بولنمق، وبرطرفدن دخی مؤخراً شمالدن هجوم ایدن هونلر، آوارلر وساىٔر سرسری وخونخوار اقوام وحشیه دن پایما ‌اولمامق ایچون، طاغلره ومتین محللره چكیله رك، دوز ومنبت یرلرینی بوش براقمغه؛ وبر طاقمی ده بسبتون ترك وطنله، یونان وموره جزایر وسواحلنه وتا اورته طرفلرینه ومرمره آطه سنه قدر قاچمغه مجبور اولمشلردر. ایشته یونان وموره ده وعلی الخصوص یونان جزایرنده اهالینك نصفنه قریب بر مقدار ونسبتده بولنان آرناؤدلر ومرمره آطه سنده كیلر او وقتلردن

كلوب قالمشلردر. آرناؤدلقده قالانلر ایسه طبیعی مستحكم یرلره چكیلوب، داىٔمی صورتده سلاح بدست یاشادقلرندن، كرك رومالیلره وكرك مؤخراً قسطنطینیه قیصرلرینه اسماً تابع اولوب، حقیقتده كما فی السابق كندی رؤسا یواش یواش پرنسلك وقراللق سوسنی آلمشلردی. آرناؤدلغك دكیزه قریب وآلچق یرلرنده ایسه فرانسه نك نورماندیا ایالتندن بعض پرنسلر كله رك، حكم سورمكه باشلامشلردیسه ده، اونلرده مرور زمانله آرناؤد لشمشلردی. حتی الی یومنا هذا اشقودره ویاقوه مالیسورلری عندنده مرعی اولان قانون محلی یی وضع ایدن (دوقه كین) بونلرك بری ایدی. آدریاتیق سواحلنده كی بعض قصبه وقلعه لری ده وندیكلیلرك الینه چكمشیدی. ایشته، سلاطین عثمانیه وغزاة مسلمین روم ایلی قطعه سنه آیاق باصدقلری وقت آرناؤدلر بو حالده ایدیلر. پرنسلرینك بعضیسی آز چوق مقاومت ایتمشلر ایسه ده، اكثریسی عثمانلیلرك قوت وجلادتنی آكلادقلرندن بلا محاربه تسلیم اولمش؛ وبو مناسبتله همان پرنسلرینك جمله سی یرلرنده قالوب، بعض حقوق وامتیازاتله دولت عثمانیه یه تابع اولمشلردی.‌ آنجق مؤخراً اسكندر بك بو پرنسلرك جمله سنی طوپلایوب، كندینی جمله سی اوزرینه رىٔیس وقوماندان طانیتدیرمش؛ وكندیسی فوق العاده جسور، مدبر وحرب آزما بر آدم اولمغله، پاپا و بتون آوروپا خرستیان حكمدارلری كندیسنی، عثمانلیلره قارشی بر سپرمقامنده قوللانمق نیتیله، تشجیع و تشویق، وكندیلری دخی آرقه سی صره كله جكلرینی

یالكز قلابریا وسیچلیایه هجرت ایدنلر مستقل قریه وناحیه لر تشكیل ایتدكلرندن، لسانلرینی، جنسیتلرینی ومذهبلرینی الی الآن محافظه ایتمكده درلر، كه بونلرك مقداری ایكیوز اللی بیك راده لرنده تخمین اولنمقده در. آرناؤدلر بووجهله تابعیت عثمانیه داىٔره سنه داخل اولدقدن صكره، هدایت ربانیه ایله همان بتون بكلری

جقلری، كندیلرنجه مجهول لسانلرده تدریس اولندقلری حالده، پك آز وقت ظرفنده ترقی ایتدكلری كورلمش؛ وبو قومك افرادندن پك چوق عالم آدملر یتیشمش ایسه ده، اكثریسی اوقویوب یازدقلری لسانك صاحبی اولان اقوامك افرادندن ظن اولنمقده درلر. اخیراً ارتحال ایدن یاقوه لی علی افندی وخواجه تحسین كبی بین العلما علم وذكاوتلریله تمیز ایتمش پك چوق آرناؤدلر كلمش اولدیغی كبی، آتنه وروما دار الفنونلرینك آب رویی اولان نیجه عالم آدملر دخی بوجنسیته منسوبدرلر. یونان وایتالیاده بولنان خرستیان آرناؤدلر دخی استعدادلرینی اثبات ایده رك، یونانه استقلالی قزاندیران رؤسا وقپودانلرك وبو اغورده هر فداكارلغی كوزه آلان خلقك اكثریسی وعلی الخصوص بوچاری، جاولا، قناری،بولغاریس،بوبولینه كبی اك مشهورلری آرناؤد اولدقلری كبی، غاریبالدینك یوزینی آغارتان وایتالیانك توحیدینه سبب اولان دخی باشلیجه ایتالیاده كی آرناؤدلردر. یونانی حالا بو كون اداره ایدن وعلی الخصوص دوننماسنی قوللانان باشلیجه اوراده كی آرناؤدلر اولدقلری كبی، ایتالیاده كی آرناؤدلردن دخی پك چوق عالم، شاعر ومصنف آدملر یتیشوب، بو قومك افرادندن بری (یعنی اون برنجی قلمان) پاپالق مسندینه قدر واصل اولمش اولدیغنی، وبو كونكی كونده ایتالیای اداره ایدن موسیو قریسپینك بو قومك افاردندن بولندیغی ذكر ایتمك كافیدر، ظن ایدرم. آرناؤدلر اجدادلرینك اخلاق وعاداتنی وبرده ناموس وحیثیتلرینی محافظه ده و ((بسا))‌‌ تعبیر ایتدكلری عهده وفا خصوصنده پك متیندرلر. جنسیتلرینی، قبیله لرینی، عاىٔله لرینی وحتی مجرد بر سوزلرینی مدافعه ایچون، قانلرینی دوكمكه هر وقت حاضردرلر؛ آنجق استحفاف حیاتده بر آز مبالغه ایتدكلری ایچون، چوق دفعه اهمیتسز بر شی ایچون بینلرنده اوریشورلر. هزل وخفتی سومیوب، جدیته ماىٔلدرلر. یوریمه ده غایت خفیف وسریع اولوب، لوندانه طور وحركتلری وقهر مانانه وضعیتلری واردر. قادینلری اولدقجه كوزل واوزون بویلی اولوب، آنجق ایریجه جودلی وبر آز اركك سیمالیدرلر؛ مستوریتده مبالاتلری یوغیسه ده، ناموسلرینی محافظه ده زیاده سیله تعصبلری اولوب، جزىٔی پردهٔ ناموسدن دیشاری چیقان قیز ویا قادین اك یقین اقرباسی طرفندن غدارانه

اعدام اولنور. آرناؤد قادینلری غایت چالیشقان وخمارات اولوب، اوك ایچنده حاكم ومستقل وار ككلر مسافر كبیدر. اصالته زیاده سیله دقت اعتبار ایتدكلرندن، هر كسن قیزینی ویرمك ایچون كندی درجه سنده آدم آرایه رق، بعض دفعه پك اوزاغه ویررلر؛ وقیزلرینه مال موروثدن حصه ویرمك عادتلری اولمیوب، كلینلك اثوابلری بیله قوجه لری طرفندن یاپدیریلیر. صلابت دینیه لری پك قوی ایسه ده، عملده زیاده مبالات وتعصبلری اولمیوب، مسلمانلرده خرستیانلقدن وكرك خرستیان كرك مسلمانلرده اسكی دیندن قالمه بعض عادات وآیینلر دخی الآن موجود‌ ومرعیدر؛ وادیان مختلفه یه منسوب افرادلری بیننده وفات ومحبت بركمالدر. لسانجه كیغه وطوسقه اوله رق باشلیجه ایكی بیوك قسمه منقسم ایسه ده، بو ایكی قسمك هیج بری كندینی بو اسمله تفریق ایتمیوب، جمله سی (اشكیپتار) یعنی آرناؤد عنوانیله افتخار ایدرلر. كیغه لر آرناؤلغك شمالنده وطوسقه لر جنوبنده ساكن اولوب، ایلبصاندن چكن (اشقومبی) نهری فارق مقامنده در. كیغه وطوسقه لسانلری یالكز شیوه وتلفظجه و بعض تعبیرات وتصریفاتجه فرقلی اولوب، اساساً لسان بردر؛ وبربرلرینك لساننی پك اعلا آكلارلر. بو لسانده درت وبشیوز سنه اول یازمش قتولیك مذهبنه متعلق منشور ومنظوم بر قاچ كتابله بش اون عصردن بری حفظ اولنمقده اولان بعض ملی شرقیلر موجوددر، كه شمدیكی لساندن فرقلری یالكز _ او وقت مستعمل بولنوب، شمدی یرلرینه مسلمانلر طرفندن عربی وخرستیانلر طرفندن رومجه تعبیرات قوللانمقده اولان _ بعض كلماتك بولنمسندن عبارتدر. اسلامیتدن صكره دخی آرناؤدلقده پك چوق شاعرلر یتیشوب، مولد شریف منقبه سی وسیر نبی ومرثیۀ وقعۀ دلسوز كربلا كبی اموردینیه ووعظ ونصحینه متعلق منظومه لر ودیوانلر نظم وترتیب ایتمشلردر. بونلرك مجموعی عادتا برادبیات دیمك ایسه ده، مسلمانلر عربی، اورتو دوقسلر روم وقتولیكلر لاتین حروفیله یازدقلرندن، واثرلری كلمات وتعبیرات اجنبیه ایله مملو وساىٔر ملتلرك ادبیاتی طرزینه تابع بولندیغندن، آرناؤدلرك ادبیات ملیه لری یرینه چكه مه مش، ویالكز درت بش عصر اول یازلمش ویا او وقتلردن قالوب مؤخراً طوپلانمس اولان آثار

واشعار بوموقعی احراز ایده بیلمشدر. طوسقه لرك خرستیانلری اولان اورتو دوقسلر اوته دن بری روملاشمق هوسنده بولنه رق، یونان علم وتربیه سیله تربیه اولنمغله سعی ایده كلمشلر، وروم جمعتیلرینك دخی بوكا یاردمیله بر طاقم لسان مادر زادلرینی اونو تمق درجه سنه كلمشلر ایسه ده، اخیراً ترتیب اولنان آرناؤد حروفیله كتب تدریسیه نشر، وطوسقه لقده آرناؤدجه تدریسنه مخصوص بعض مكتبلر كشاد اولنمغله، بونلر دخی كندی جنستلرینی محافظه، وبونك عكسنه تشویقاتدن كرك طورمیان یوناندن تبعد وتنفر ایتمكه باشلامشلردر. اشبو عصر معارف حصر حضرت عبد الحمید خان ثانیده آرناؤدلرك دخی لسانی یازلمغه وادبیاتلری میدانه كلوب، ترقی ایتمكه باشلامشدر. ممالك عثمانیه ده كی آرناؤدلر ایكی ملیون قدر اولوب، بونلرك ثلثانی اسلامدر. یونان وایتالیاده بولنان آرناؤدلر ذاتاً طاغلق وغیر منبت یرلرده دها جمعیتلی بولندقلرندن، مملكتلری كندیلرینی بسلیه میوب، چوغی صنعت وتجارتله، صاتیجیلقله ویاخود معاشلی عسكر ویا ژاندارمه وقولجی وساىٔر خدمتله ممالك عثمانیه نك هر طرفنه وحتی مصر وسودان ویمنه قدر غربتی اختیار ایده رك، زوجه لرندن اوزاق بولندقلرندن، وكج اولنمك عادتلری اولدیغی كبی، بر طاقم ده بشقه یرلرده اولنوب، قالدقلرندن ومحاربه لرده وبربرلریله اولان قان دعوالرنده چوق قیرلدقلرندن، نفوسلری تكثر ایتمك شویله طورسون، اوته ده بری آزالمقده بولنمشدر. آرناؤدلرك جنسیتنی واصل ونسبلریله لسانلرینی اوروپایه طانیتدیران باشلیجه آوستریا دولتی طرفندن طول مدت یانیه واشقودره ده قونلوس بولنمش اولان دوقتور (هان) ایله مشاهیر لسانیوندن (یوپ)، و كندیسی آرناؤد اولوب رومانیاده پرنسلك ایتمش اولان (كیغه) خانداننه منسوب پرنسس (دورادیستریا)‌ ایله ایتالیاده كی آرناؤدلردن (دورسا)، مونسیور (قریسپی)، (قمارده)، (ده راده) وساىٔرلریدر، كه هر بری بو بابده آلمانجه وایتالیانجه لسانلرنده‌ متعدد اثر-