Achaie ~ آخائیا
Kamus-ul'Alam - Achaie ~ آخائیا maddesi. Sayfa: 44 - Sira: 11
Achaie - آخائیا
بواسم (اومیروس) كبی بعض شعرای قدیمه طرفندن بتون یونانه و یرلمش ایسه ده، عن اصل تسالیاده (فتیو تیده) یعنی چتالجه ودومكه طرفنك اسم قدیمی اولوب، مؤ خراً اورانك اهالیسی اولان آخاىْیلر موره شبه جزیره سنك غرب شمالی جهتنی ضبط، واوراده یوطن ایتمكله، اوندن اول ((ساحل)) معناسنه اوله رق (ایالی) دنیلن مملكت مذكوره (آخاىٔیا) اسمنی آلمشیدی، بو مملكتك اون ایكی شهری وار ایدی، كه بونلر بینلر نده بر نوع حكومات متفقه تشكیل ایتمشلردی. بو اتفاق واتحاد مؤخراً ماكدو نیالیلره ورومالیلره قارشی مقاومت ایده رك، یونانك ساىٔر طرفلری اجانبدن ضبط اولندقدن صكره، بونلر خیلی وقت دها استقلاللرینی محافظه ایده بیلمشلردی. بو اتحاد ((اتحاد آخاىْی) نامیله مشهوردر. رومالیلر بو اتحاده غلبه ایتدكدن صكره بتون یونانه (آخاىٔیا) نامنی ویرمش اولدقلری كبی، قرون و سطاده اهل صلیبك شرق ایمپراطور لغنی ضبط ایتملری اوزرینه، موره ایله آتنه وتیبه نك جوارلرندن عبارت اولمق اوزره، تشكل ایتمش اولان حكومت دخی (آخاىٔیا) نامنی آلمش؛ ومرور زمانله بو حكومت بر قاچ دوقه لغه انقسام ایتدكدن صكره، جنویزلرك الینه كچن (الیده) قطعه سی بونامی محافظه ایتمشیدی. قره دكیزك سواحل شرقیه سندن اولان (آبازه) مملكتنه دخی بر آره لق بو نام ویرلمشیدی، كه بوده بر طاقم آخاىٔیلرك اورایه هجرت و توطن ایتملرندن ایلری كلمش اولسه كركدر. _ زمانمزده یونان دولتی موره شبه جزیره سنك غرب شمالی قسمنی ینه (آخاىٔیا) نامیله بر ایالت اتخاذ ایتمشدر، كه مركزی (پاتره) یاخود (پطر اس) شهری اولوب، تقریباً ١٥۰۰۰۰ اهالیسی واردر.
Kamusul Alam, Şemseddin Sami; Kamusul Alamde Achaie maddesi. osmanlıcada Achaie ne demek, Achaie anlamı manası, Achaie osmanlıca nasıl yazılır. Osmanlıca sözlükte Achaie hakkında bilgi. Arapça Achaie ne demek. Arapça osmanlıca sözlük. Farsçada Achaie anlamı
Kamusul Alamde - آخائیا Achaie maddesi. Şemseddin Sami, Kamusul Alam Ansiklopedisi